The Universal House of Justice
Ridván 2017
To the Bahá’ís of the World
Dearly loved Friends,
Նայեք, թե ինչպես է բարձրանում Մեծագույն Անվան համայնքը: Չնայած նոր Նախագծի թողարկումից անցել է ընդամենը մեկ տարի, հաշվետվությունները վկայում են ձեռնարկվող փորձերի և սկզբնական ձեռքբերումների մասշտաբայնության մասին: Որպեսզի ավելի մեծ ինտենսիվություն մտցնենք 5000 աճի ծրագրերի մեջ, պահանջվում է ջանքերի բացարձակապես աննախադեպ մակարդակ: Տիրապետելով լինելով Նախագծի հիմունքներին՝ ընկերների նշանակալից քանակությունը գործում է նրա պահանջների համապատասխան՝ իրենց արձագանքում ցույց տալով բծախնդրություն և զոհաբերություն: Ինչպես ենթադրվում էր, որոշ ինտենսիվ աճի ծրագրեր, որոնք աջակցվում էին երկար ժամանակ, դառնում են գիտելիքների և ռեսուրսների պահուստարան՝ օգնելով մերձակա վայրերին և նպաստելով փորձի ու փայլատակումների տարածմանը: Ինտենսիվ գործունեության կենտրոնները՝ այն հարևանություններն ու գյուղերը, որտեղ առավելագույնս կենտրոնացված է համայնքի կառուցման աշխատանքը, դառնում են բարերար հող կոլեկտիվ վերափոխման համար: Օժանդակ Կոլեգիայի Անդամների և նրանց ասիստենտների ընդլայնված և զորեղացած լեգեոնը քաջալերում են հավատացյալների ջանքերը՝ օգնելով նրանց ձեռք բերել տեսունակություն այն մասին, թե ինչպես առաջ մղել աճի գործընթացը տարբեր հանգամանքներում և սահմանել մոտեցումները, որոնք կբավարարեն յուրաքանչյուր կլաստերի պայմաններին: Բահայիների շրջանային Խորհուրդներն, իրենց Ազգային Հոգևոր Ժողովների աջակցությամբ, սովորում են, թե ինչպես ավելացնել Նախագծի տեմպերը տարբեր կլաստերներում միաժամանակ, այն ժամանակ, երբ փոքր երկրներում, որոնք չունեն Շրջանային Խորհուրդներ ազգային մակարդակում նորագոյացությունները կցվում են նույնպիսի աշխատանքի: Ինտենսիվ աճի ծրագրերի ընդհանուր քանակությունն աշխարհում արդեն սկսում է աճել, չնայած որոշ վայրերում դեռ կհասնեն այն նպատակասլաց առաջընթացին, որը նկատվում է առանձին վայրերում, ինչպես դա ենթադրվում է ցանկացած բնական գործընթացում: Ավելին, մենք ուրախությամբ նկատել ենք, որ Նախագծի գործունեության մեջ մասնակցությունը նշանակալիորեն մեծացել է նրա առաջին չորս եռամսյակների ընթացքում:
Այդ պատճառով նրա նշանները, թե ինչ կարող է բերել հաջորդ տարին, դժվար թե կարողանան առավել խոստումնալից լինել: Իսկ ինչը՞ կարող է առավել հարիր ընծա լինել Օրհնյալ Գեղեցկությանը Նրա Ծննդյան 200-ամյակին, եթե ոչ Նրա սիրեցյալների եռանդուն ջանքերը Նրա Հավատի ընդգրկումը ընդլայնելու ուղղությամբ: Այսպիսով 200 ամյա տարեդարձներից առաջինը, որը կնշի բահայի աշխարհը դա բավականին ցնցող հեռանկարներով իրադարձություն է: Եթե այն ճիշտ դիտարկենք, այս տարին առաջարկում է երբևիցե եղած համաշխարհային բարերար մեծագույն պահը, որ սրտերը բերենք դեպի Բահաուլլան: Գալիք ամիսներին եկեք բոլորս գիտակցենք այդ անգին հնարավորությունը և նրբանկատորեն ընկալենք հնարավորությունները, որոնք գոյություն ունեն յուրաքանչյուր միջավայրում այլ մարդկանց Նրա կյանքի և բարձրագույն առաքելության հետ ծանոթացնելու համար: Որպեսզի առավելագույնս օգտագործենք Հավատի ուսուցման մեջ այս բարերար պահը, որը բացվում է բահայիների առջև, պետք է ստեղծագործականորեն մոտենալ այն զրույցների շուրջ խորհմանը, որոնք կարող են տեղի ունենալ տարբեր մարդկանց հետ: Նման բովանդակալից զրույցների ընթացքում բարձրանում է ընկալունակությունը և երբեմն անմիջապես բացվում են սրտերը: Այս արժանի գործում բոլորն իրենց գործածությունն են գտնում և ոչ ոք չպետք է իրեն զրկի ուրախությունից, որը բերում է այդ աշխատանքի մեջ ներգրավվածությունը: Մենք աղերսում ենք Սիրեցյալին, որ 200 ամյակի այս ամբողջ տարին ներծծված լինի այդ ուրախությամբ, ամենամաքուր և հաճելի՝ պատմել մեկ այլ հոգու Աստծո Օրվա արևածագի մասին:
Պարտականությունները, որոնք պետք է իրականացնի հավատարիմների միությունը, դառնում են առավել անհետաձգելի շփոթվածության, անվստահության և աշխարհում մթագնման պատճառով: Ընկերներն անկասկած պետք է օգտագործեն ցանկացած բարերար պահ, որ լույս վառեն, որը կարող է լուսավորել ուղին և վստահություն շնորհել անհանգստացողին և հույս հուսահատվածին: Մենք հիշում ենք Պահապանի տված խորհուրդը բահայի համայնքին խոսքերում, որոնք թվում է, վերաբերվում են մեր ժամանակներին. §Զուգահեռ նրան, որ ներկայիս հասարակության հյուսվածքը ձգվում է և պատռվում չարագուշակ իրադարձությունների և աղետների ճնշման և լարման տակ և բազմապատկվում են ճաքերը, խորանում է ազգերի, դասերի, ռասաների և համոզմունքների միջև բաժանումները, Նախագծի կողմնակիցները պետք է հայտնեն ավելի մեծ համաձայնեցվածություն իրենց հոգևոր կյանքում և վարչական գործունեությունում և ցույց տան իրենց կոլեկտիվ ձեռնարկումներում համաձայնեցված ջանքերի, փոխադարձ օգնության և ներդաշնակ զարգացման ավելի բարձր չափանիշներ¦: Միշտ ընդգծելով ի օգուտ Հավատի աշխատանքի հոգևոր նշանակությունը և աննկուն վճռականությունը, որով հավատացյալները պետք է կատարեն իրենց սուրբ պարտականությունները՝ Շողի Էֆֆենդին նաև նախազգուշացնում էր քաղաքական բանավեճերում, բախումներում և վեճերում որևէ տեսակի մասնակցությունից: §Թող նրանք բարձրանան ամեն տեսակի քաղաքական տարանջատվածությունից և մեկուսացումից,- ասում էր նա մեկ այլ տեղ,- անպտուղ վեճերից, մանր հաշվարկներից, անցողիկ կրքերից, որոնք ցնցում են փոփոխվող աշխարհը և շեղում են նրա ուշադրությունը¦: Դա փրփուր է և ջրի ցայտ, որոնք անխուսափելիորեն հայտնվում են, երբ ալիքը ալիքի հետևից ցնցում է անհանգիստ և բաժանված հասարակությունը: Շատ բան է վտանգի ենթարկվում, որ շեղվենք դրա համար: Բահաուլլայի յուրաքանչյուր հետևորդ հիանալիորեն գիտի, որ մարդկության գալիք բարգավաճումը կախված է նրա տարաձայնությունների հաղթահարումից և նրա միասնության ամուր հաստատումից: Ցանկացած ներդրում, որը բահային կատարում է իր հասարակության կյանքում, ուղղված է միասնության առաջ մղմանը, համայնքի կառուցման ցանկացած ջանք ուղղված է նույն նպատակին: Նրանց, ովքեր հոգնել են վեճերից, Մեծագույն Անվան համայնքի հովանու տակ մեծացողներն առաջարկում են գործող օրինակ նրա, թե ինչն է հնարավոր դառնում միասնության միջոցով:
Մենք գովք ենք բարձրացնում աստվածների Աստծուն, տեսնելով, թե որքան շատերը Նրա սիրեցյալներից որքան բազմաձև միջոցներով են տալիս ամեն ինչ, որ մարդկության միասնության դրոշը բարձրացվի: Թանկագին ընկերնե՛ր, արդյո՞ք նման հաջողակ տարվա սկզբից մեզանից յուրաքանչյուրը չպետք է խորհի նրա շուրջ, թե ինչպիսի երկնային գործեր կօգնի մեզ իրականացնել Նրա ողորմածությունը:
- The Universal House of Justice