Duođaštan, O Ipmilan, ahte leat sivdnidan mu dovdat Du ja bálvalit Du. Buvttán ovdan dán bottus iežan geahnohisvuođa ja Du fámolašvuođa, iežan geafivuođa ja Du riggodaga. Ii leat mihkkige eará Ipmiliid, go Don, Veahkki heađis, Iešalddes bissovaš.
Sivdniduvvon lea báiki ja dállu ja guovlu ja gávpot ja váibmu ja várri ja suodji ja biedju ja ávži ja eana ja mearra ja suolu ja gieddi, gos Ipmila namma lea muitaluvvon ja Su gudni bajiduvvon.
Du namma lea mu buorideapmi, O Ipmil, ja Du muitin lea munnje dálkkas. Lagašvuohta Dutnje lea mu doaivu ja ráhkisvuohta Dutnje lea mu guoibmi. Du árbmu mu guovdu lea mu buorideapmi ja mu dorvu sihke dán máilmmis ja dan máilmmis, mii boahtá. Duođalaččat, Don leat buotveagalaš, buotdiehtti, buotviissis.
O Ipmil, mu hearrá, háluidan ulbmil! Dát Du bálvaleaddji ohcala oađđit Du árpmu suojis ja vuoiŋŋastit Du čábbodaga suoji vuolde ja átnut Du várjalusa ja suodjalusa. Bivddán Du, O Hearrán, Du čalmmiidatguin, mat eai oađe, várjalit čalmmiidan oaidnimis eará go Du. Nanusmahte dasto sin čalmmiid, ahte sii oainnašedje Du mearkkaid ja doalahivčče Du almmustuhttima almmiravdda. Don leat Dat, gean buotveagalašvuođa almmustusaid ovddas fámuin stuorimusatge leat dorggiidan. Ii leat mihkkige eará Ipmiliid go Don, Buotveagalaš, Buot siskkimuš leahkin, Eavttuheapmi.
Leago oktage eará váttisvuođaid Eret Váldi go Ipmil? Daja: Máidnojuvvon lehkos Ipmil! Son lea Ipmil! Buohkat leat Su bálvvát, ja buohkat vuollánit Su dáhttui.
Lii-uv kihheen eres vädisvuođâi meddâl välddee, ko Immeel. Eeđâ, pajedum, liävus Immeel. Sun lii Immeel. Puohah laa Suu palvâleijeeh já puohah vuáláneh Suu táátun.
Mun ohcalan Du Fámut bokte, O Ipmilan. Ale divtte mange ráfehuhttit mu geahččalusaid áigge, ja berošmeahttunvuođa bottuin oahpis lávkkiidan deaivat Du movttiidusa čađa. Don leat Ipmil, buotveagalaš leat Don dahkat dan, maid Don háliidat. Ii oktage sáhte vuostálastit Du Dáhtu iige Du Áigumuša.
Son lea láđisváimmot, buotveagalaš! O Ipmil, mu Ipmilan! Don oainnát mu, Don dovddat mu; Don leat Albmán ja Báhtaranbáikán. In geange leat mun ohcalan, inge ovttage mun ohcal; in mange bálgá leat mun johtán, inge ovttage bálgá boađe johtit earet Du ráhkisvuođa bálgá. Sevdnjes doaivvuhisvuođa ijas mu čalbmi jorggiha vuordevažžan ja dievva doaivvu Du geažehis buorrevuođa guvlui ja veiggodettiin Du čábbodaga ja dievaslašvuođa muitin virkkosmahttá ja gievrrasmahttá mu goldnan sielu. Vaikke leage dušše goaikkanas; dat, gean Du árpmu viiddisvuohta veahkeha, šaddá geažis áhpin. Ja smávimus atoma, man Du láđisváimmot ustitlašvuohta veahkeha boahtá báitit šearradamos nástin. Govčča Du suodjalussii, O Don buhtisvuođa Vuoigŋa, Don guhte leat Buotveagalaš Sállejeaddji, dán ráhkisvuođa šláva, čuvgejuvvon bálvaleaddját. Veahket su dán leahkima máilmmis bissut nanusin Du ráhkisvuođas ja atte dán lámissoajat lotti gávdnat báhtaransaji ja dorvvu Du ipmillaš beasis, almmálaš muora suojis.
Mun lean lihkkan Du suodjalusas, o Ipmilan, ja dat guhte duon dorvvu ohcá galgáge orodit Du suodjalusa bassi lanjas ja Du várjalusa muvrraid siste. Čuovgga siellun Du almmustusa iđitgukso čuovggain nugo du addálasvuođa iđitčuovga čuovggai olgguldas hápmán.
Du njálgga hájat agálašvuođa rávnnjiin atte mu juhkat, O Ipmilan, ja Du leahkima muora heđemiid divtte mu smáhket, O Doaivun. Du ráhkisvuođa kristállagálduin divtte mu juhkat, O Gudnán, ja Du agibai' bisti láđisvuođa suoivanii divtte mu ásaiduvvat, O Čuovgan. Du lagašvuođa niittuin, Du leahkima ovddas divtte mu nagodit vádjolit, O Ráhkásan, ja Du árpmu ruvnnu olgešgieđa bealde atte munnje čohkkánsaji, O Hállun. Du njálggahájat ilu vuoiŋŋanasaid divtte bossut badjelasan, O Ulbmilan, ja Du duohtavuođa paradiissa allodagaide divtte mu beassat sisa, O mu Hervošeami mearri. Du oktavuođa duvvá šuoŋaid atte mu gullat, O Don guhte leat čuovgi, ja Du fámu vuoiŋŋa ja mávtta bokte ealáskahte mu, O Sállejeaddján. Du ráhkisvuođa vuoiŋŋain doala mu nanusin, O mu Biebmi ja Du miellabuori bálgá alde daga lávkkiidan sihkkarin, O Sivdnideaddján! Jápmemeahttunvuođat šaddogárddis, Du čábbodaga ovddas, divtte mu orodit agibeaivve, O Don guhte leat árbmugas munnje, ja Du gudni čohkkánsaji ala bija mu, O Don guhte leat mu Oamasteaddji. Du ráhkisteaddji láđisvuođa albmái bajit mu, O mu Ealáskahtti, ja Du oahpistusa guovssonásttiin láide mu, O Don mu Geasuheaddji. Atte mu leat Du oaidnemeahttun almmustusa ovddas, O Don guhte leat mu álgu ja stuorimus doaivva, ja Du čábbodaga njálgga hájaid sisa, maid Don almmustuhtát, divtte mu máhccat, O Don guhte leat mu Ipmil. Fámolaš leat Don dahkat dan, maid háliidat. Don leat duođalaččat Rámiduvvon, Šearradamos, Buot Alimus.
Atte munnje buhtes váimmu, O Ipmilan, ja ođasmahte ráfálaš diđolašvuođa mu siste, O Doaivun. Fámu vuoiŋŋain nanusmahte mu Du áššis, O Ráhkkásepmosan, ja Du gudni čuovggain čájet munnje bálgát, O Don guhte leat mu hálu Ulbmil. Du geažehis fámu mávttain bajit mu Du bassivuođa albmái, O Don guhte leat mu leahkima Gáldu, ja Du agálašvuođa vuoiŋŋanasaiguin ilosmahte mu, O Don guhte leat mu Ipmil. Divtte Du agálaččat bisti šuoŋaid addit ráfi munnje, O Guoibmán, ja divtte Du dološ lohkameahttun riggodagaid luvvet mu buot earás earet Dus, O Meaštáran, ja divtte Du billašuvakeahtes siskkimučča almmustusa sivdnádusaid buktit munnje ilu. O Don guhte leat buot almmustuhttimiid almmustuhttin ja buot čihkosamos čihkosepmosiid siste.
O Ipmil! Láide mu, várjal mu, cahkket mu čuovgga ja daga mu šerres nástin. Don guhte leat Fámolaš ja Gievra.
O Ipmil! Virkkosmahte ja ilosmahte mu sielu. Buhtis mu váimmu. Ođasmahte mu fámuid. Guođán buot áššán Du gihtii. Don leat mu Ofelaš ja mu Oadjebasvuohta. In leat šat morašlaš inge giksašuvvan, mun lean lihkolaš ja ilolaš. O Ipmil! In leat šat dievva áŧestusa, inge divtte fuolaid váivvidit iežan. In divtte eallima váivves áššiid ráfehuhttit iežan. O Ipmil! Don leat eanet ustit munnje, go maid mun lean alccen. Basuhan iežan Dutnje, O Hearrá.
O Ipmil, Du lusa válmmaštan mun báhtaransaji ja Du mearkkaid guvlui divun váibmun. O Ipmil, mátkki alde dahje ruovttus, doaimmainan dahje barggustan, bijan buot luohttámuššan Dutnje. Udno munnje dasto buotveagalaš veahkkát, nu ahte sáhtán luovvanit buot máilmmálaččas, O Don gean árbmu lea geažeheapmi. Láže munnje oassán, O Hearrá, nugo Don dáhtot ja atte mu duhtat dasa, maid Don leat munnje mearridan. Dus lea dievas váldi mearridit.
O Ipmil! Čuvge dáid mánáid. Dát mánát leat Du heđengárddi šattut, Du niittu rásit, Du
šaddogárddi ruvssut. Divtte arvvát láktadit sin; atte Duohtavuođa Beaivváža ráhkisvuođainat báitit sin ala. Divtte Vuoiŋŋanasat virkkosmahttit sin nu, ahte sii ahtanuššet, šaddet ja ovdánit ja čuvget geažehis čábbodagas. Don leat árvvas. Don leat láđisváimmot.
O Hearrá! Bija dán njuoras vesá šaddat valljodagaidat šaddogárdái, njuoskat dan Láđisvuođat gálduin ja divtte dan šaddat Oiddut ja Árpmut rávnnjiid vehkiin válljugas šaddun. Don leat mávttalaš ja fámolaš.
O Ipmilan! O Ipmilan! Ovttas bálvaleaddjiidat váimmuid ja almmut sidjiide Du stuorra ulbmila. Čuvvoset sii Du báhkkomiid ja elloset Du lága mielde. Veahket sin, O Ipmil, sin figgamušain ja atte sidjiide nanusvuođa bálvalit Du. O Ipmil! Ale guođe sin okto, oahpis sin lávkkiid Dieđut čuovggain ja ilosmahte sin váimmuid ráhkisvuođainat. Duođalaččat, Don leat sin Veahkeheaddji ja Hearrá.
O Don láđisváimmot hearrá, Don Guhte leat addálas ja návccalaš. Mii leat Du bálvaleaddjit Du sállemuša vuorddekeahtes árpmu suojis. Atte midjiide Du geahčastaga skeaŋkka. Atte čuovgga čalmmiidasamet, gulu beljiidasamet ja ipmárdusa ja ráhkisvuođa váimmuidasamet. Daga sillomet ilolažžan ja lihkolažžan Du ilu sivdnádusaid bokte. O Hearrá! Čájet midjiide Du gonagasgotti luotta ja virkkosmahte buohkaid Du bassi vuoiŋŋa vuoiŋŋanasaiguin. Atte midjiide agálaš eallima ja nohkameahttun gudni. Ovttas olmmošgotti ja illudahte olmmošlaš máilmmi. Čuovvot mii buohkat Du luotta, áibbašeatnot Du miellabuori ja ohccot Du gonagasgotti suollemasvuođaid. O Ipmil! Ovttas ja čana oktii váibmomet Du nohkameahttun báttiin. Duođalaččat Don leat váibmoláđis ja buotveagalaš.
O Ipmilan! Don suttuid ándagassii addi, skeaŋkkaid juohkki, váttisvuođaid eret váldi! Duođalaččat, mun bivddán Du addit suttuid ándagassii daidda, geat leat guođđán eatnanlaš orrunsajiset ja sirdásan vuoiŋŋalaš máilbmái. O Hearrán! Buhtis sin váivviin, váldde eret sin morrašeaset ja nuppástuhte sin sevdnjesvuođa čuovgan. Suova sin lávket lihku šaddogárdái, basa sin buhttásamos čáziin ja divtte sin geahčadit Du šerresvuođa alimus vári alde.