Hausa: Bahá'í Prayers: Single Prayer : Android, iPhone, iPad, Windows, Mac

Yā Allah, ka sanyaya, kuma ka farinta rūhuna. Tsarkaka zūciyāta. Haskaka hankalīna. Nā damƙa dukan al’amurāna cikin hannunka. Kai nē shūgabāna da maɓūyata. Bā nā son zama cikin baƙin rai da hushi. Nā fi son zama cikin farin ciki da murna.

Yā Allah, ka fi sō nā, da yadda nike son kaina. Nā dawwama garēka, yā Ubangijina.

Yā Allah! Yā Allāna! Gā bāwanka nā nufa wajenka, kuma da zūciya guda, yana rātsa hamādar ƙaunarka, kan hanyar bauta maka, cikin jiran taimakonka, bisa ga tsammānin yalwarka, amince da īkonka, kuma tāre da ni’imarka.

Yā Allāna! Ka sā ƙaunar bāwan nan nāka a garēka, ta ƙāra fīfīta, kullum, kada ya daina yabā ka, kuma hamzarinshi wajen ƙaunarka, ya ƙāra cī gaba. Hakīka! Kai nē mai saukar da ni’ima, yalwarka bā ta da iyāka.