Tetum: Bahá'í Prayers: Single Prayer : Android, iPhone, iPad, Windows, Mac

Oh Ha’u-nia atan, hananu Maromak nia versu sira ne’ebé ó simu, hananu nu’udar sira ne’ebé besik ba Maromak, hodi nune’e ó-nia melodia nia midar bele halakan ó nia klamar rasik, no atrai ema hotu-hotu nia fuan. Ema ne’ebé de’it mak resita, iha ninia kámara privadu, versu sira ne’ebé fó sai husi Maromak, anju sira ne’ebé namkari husi Omnipotente sei kari hale’u liafuan sira nia morin ne’ebé sai husi ninia ibun, no halo ema laran-loos hotu nia fuan nakdedar. Maske iha foufoun, nia la hatene orasaun nia efeitu, maibé benefísiu grasa nian ne’ebé tun ba nia sei, kleur ka lakleur halo influénsia ba ninia klamar. Nune’e mistériu Revelasaun Maromak nian mak dekreta ona tuir Vontade husi Nia ne’ebé Fonte ba kbiit no sabedouria.