Tok Pisin: Bahá'í Prayers: Single Prayer : Android, iPhone, iPad, Windows, Mac

O God, O God bilong mi! Mi askim strong long Yu long solwara bilong Yu bilong winim sik. Na long bikpela lait bilong San bilong marimari bilong Yu. Na long Nem bilong Yu, em Nem i save bosim ol wokman bilong Yu. Na long strongpela pawa bilong Tok bilong Yu, em Tok i stap antap tru long olgeta samting. Na long pawa bilong Ing na Pen bilong Yu, em Pen i gutpela tru. Na long marimari bilong Yu, em i bin stap bipo long taim Yu bin mekim kamap olgeta samting long heven na long graun. Long ol dispela gutpela samting mi askim strong long Yu long wasim mi wantaim wara bilong blesing bilong Yu, inap ol kain kain sik na ol kain kain samting i laik bagarapim mi bai lusim mi na mi stap strong gen.

O Bikpela bilong mi. Yu lukim dispela man i sanap na i wet long dua bilong blesing bilong Yu. Em i wetim ol gutpela i samting i kamap long Yu. Na em i holimpas long rop bilong gutpela pasin bilong Yu, em pasin we Yu save givim planti samting. Mi askim strong long Yu. No ken pasim dispela man long kisim ol gutpela samting i kam long solwara bilong marimari bilong Yu na San bilong gutpela lav bilong Yu.

Yu gat pawa inap long mekim wanem samting Yu gat laik long mekim. I no gat narapela God. Yu tasol i stap. Yu Save Pogivim Ol Rong Oltaim na Yu Givim Planti Samting Tru.