PREA BILONG OPIM KIBUNG BILONG ASEMBLI

Taim yupela opim kibung bilong Asembli, "kolim dispela prea long pasin we bel bilong yupela i pulap long lav long God na maus bilong yupela i klin na i save tingim God tasol. Olsem na inap

God i marimari long yupela na helpim yupela long win long olgeta samting. Pawa Bilong God I Winim Olgeta Samting."

O God! O God bilong mi! Mipela ol wokman bilong Yu i tanim i go long pes holi bilong Yu na lotu long Yu. Long dispela bikpela De, em taim bilong glori, mipela i lusim ol arapela samting na tingim Yu tasol. Mipela bung long dispela kibung bilong Spiritual Asembli na mipela i stap wanbel. Ol tingting bilong mipela na ol wok bilong mipela i wok wantaim long litimapim Tok bilong Yu namel long ol manmeri. O Bikpela, O God bilong mipela! Inap bai Yu mekim mipela i kamap olsem ol mak bilong gutpela rot bilong Yu. Inap bai mipela i kamap olsem plak bilong Lotu bilong Yu namel long ol man, em Lotu i stap antap tru. Inap bai mipela i kamap ol wokman bilong Kontrak bilong Yu, em Kontrak i strong tru. O Bikpela bilong mipela, Yu stap Antap Tru! Inap bai mipela soimaut pasin bilong wanbel bilong Yu long Heven bilong Abha bilong Yu. Inap bai mipela i kamap olsem ol sta i lait i go long olgeta hap. Bikpela! Helpim mipela, inap bai mipela i ken kamap olsem ol biksi i pulap long ol gutpela blesing bilong Yu. Bai mipela i kamap olsem ol wara i kam daun long ples antap bilong Yu, em ples i pulap long glori. Bai mipela i kamap olsem gutpela kaikai long diwai bilong Lotu bilong Yu, em Lotu bilong heven. Bai mipela i kamap olsem ol diwai i wawan long naispela win bilong presen bilong Yu long gaden wain bilong heven bilong Yu. O

God! Inap Yu mekim ol spirit bilong mipela i holimpas long ol toktok bilong wanbel bilong Yu tasol na ol bel bilong mipela i amamas long ol presen i kam long marimari bilong Yu. Inap bai mipela i bung wantaim olsem si bilong wanpela solwara na mipela i pas wantaim olsem ol lait i sut na kamaut long bikpela lait bilong Yu. Olsem na bai mipela olgeta i tingting long olgeta samting na lukim olgeta samting na skelim olgeta samting long wankain pasin wantaim. Inap bai mipela i ken soimaut spirit bilong wanbel i go long olgeta hap graun. Yu Marimari Long Olgeta, Yu Givim Bikpela Blesing, Yu Givim Gutpela Presen, Yu Gat Olgeta Strong, Yu Save Marimari Long Olgeta Man na Yu Save Sori Long Olgeta Man.

PRAYER TO OPEN THE MEETING

Before the meeting begins, "recite this prayer with a heart throbbing with the love of God and a tongue purified from all but His remembrance, that the All-Powerful may graciously aid you to achieve supreme victory."

O God! My God! We are servants of Thine that have turned with devotion to Thy holy face, that have detached ourselves from all besides Thee in this glorious Day. We have gathered in this Spiritual Assembly, united in our views and thoughts, with our purposes harmonized to exalt Thy Word amidst mankind. O Lord, our God! Make us the signs of Thy divine guidance, the standards of Thine exalted Faith amongst men, servants to Thy mighty Covenant, O Thou our Lord Most High, manifestations of Thy divine unity in Thine Abha Kingdom, and resplendent stars shining upon all regions. Lord! Aid us to become seas surging with the billows of Thy wondrous grace, streams flowing from Thine all-glorious heights, goodly fruits upon the tree of Thy heavenly Cause, trees waving through the breezes of Thy bounty in Thy celestial vineyard. O God! Make our souls dependent upon the verses of Thy Divine Unity, our hearts cheered with the outpourings of Thy Grace, that we may unite even as the waves of one sea and become merged together as the rays of Thine effulgent Light; that our thoughts, our views, our feelings may become as one reality, manifesting the spirit of union throughout the world. Thou art the Gracious, the Bountiful, the Bestower, the Almighty, the Merciful, the Compassionate.

- `Abdu'l-Bahá