Afrikaans: Bahá'í Prayers: Single Prayer : Android, iPhone, iPad, Windows, Mac

Return to BahaiPrayers.net Facebook

GEBED VIR DIE DOOIES

,Wanneer hierdie gebed gebruik word, moet een gelowige dit sê terwyl alle aanwesiges moet staan.' - Die Universele Huis van Geregtigheid

O my God! Hierdie is U dienskneg en die seun van U dienskneg wat in U tekens geglo het, en sy gesig na U gerig het, geheel en al losgemaak van alles behalwe U. U is, voorwaar, van dié wat genade toon, die mees genadige.

Handel met hom, o U Wat die sondes van mense vergewe en hulle foute verswyg, soos dit die hemel van U mildheid betaam en die oseaan van U genade. Vergun hom toegang binne die omgewing van U oortreffende barmhartigheid wat vóór die grondlegging van die aarde en die hemel bestaan het.

Daar is geen God behalwe U nie, die Ewig-Vergewende, die Mees Milddadige.

Laat hom, dan, die begroeting Alláh-u-Abháh ses maal herhaal, en dan negentien keer elkeen van die volgende verse herhaal:

Ons almal, voorwaar, aanbid God.

Ons almal, voorwaar, buig neer voor God.

Ons almal, voorwaar, is toegewy aan God.

Ons almal, voorwaar, gee lof aan God.

Ons almal, voorwaar, betuig ons dank aan God.

Ons almal, voorwaar, is geduldig in God.

Indien die oorledene 'n vrou is laat hom sê: Dit is U diensmaagd en die dogter van U diensmaagd, ens. . . .

- Bahá'u'lláh