Amase tara miba du: Neb ge tseb //ib eidu aisa ni !gawaba, tsi doma ni //nouba, mi maihe hab diba. Elob di ≠gai domi gege !awa, tsi !nab //ib ais dib ge khoesib ai ge //goaxa. Ma khoei hoae harebe has ge //ie ≠gaob ae xu ma //ou gowa !noai hoae /ari ≠uisa, tsi //khowa-amsa tsi !khohe //oasa //khoreb /kha mute !gawasa //gou-//goudi ≠Hai-≠hais di di /ga. Tsi !kho-!gati //ib di Si ≠uis tsi Saoti //ib ≠khaisib di di //ga.

Ai sadu /goadu khoeb dido! /Guiroe ha ≠aibasens ≠goms Elob dis tsi //ib di Elosi !oabas tsire dib ge khoesib di ≠hasigu sou tsi /gui-!naxa-siba ai-!gu gaisa. Tsi //nas gagas /nami dis tsi Khoexa !nasiba ≠gasa. Ta nesa /ous /garu-/garus tsi /gui !na osib dis ase dibasen, !huigub tsi //khangub dib axase. Neb a ≠hanu tsi //awosa dao-amaga. Tarei /gui-iga xawe ne daob ai ≠nuwie hai ge tatse xawe !hub-aib di ≠gouguti xa //nowe-//howehe Tite, !goaige //aigu tsin nesa /khara-/khara tama amaga.

Hurib Ti midi dib !na ≠gomsenre ets //nas /kha ≠ansa /gora //kha. Ga-aisigu hurib !gami !na Khao //guisaga ho //kha. ≠Anbasen //naire e ≠goms di amaba !khobasensa ta ega-/e. Elob di //khasigu ge //ib !na ≠an-≠anhega. Tsi //ib /gai ga a //awo-//awoheba. !Hai-!haisenre, /kha-/kharehe //oa ≠goms Elob dis //ga. /Amo asa !goai ge //aib !na, /amo asa !goaxa//aib !na. Nesa ra !goa !gone ai ho; tsi oasa ra //gara-e ai ≠an Elob !na-≠amsa //khasiba u-ha !khaisa. Amase Elob ge aitsama ≠oubasenha. /Gawiseb !nab ge ha hui ≠gaorase //ib gurus ≠ama.

Mi: Nes ge /guiroe //oa /noudas Elob !omi ab !na !kho-hasa, /homi !na han garao, !hub-aib ai han garao ni /no-uhe Sa, Tsis /gora Sa ni mi //guihesa. Sadu ga aitsama nesa ≠an !gao tsi ≠gomo. Mi //nai: Nes !nan ge /ga-sansa ge !khu gaibe, ≠ansabena ge !na-!nahe, tsi oarana //na //khasib !nage maihe Eloba ≠an !gas dib //ga go khais !oa. ≠Anbasen edu ta nes /kha ≠aite /gorasa !aromaba. Sado //nai ma //awo /nowe //oasa !homi ase sadu Elob di siseni !na, //Nab Hoa-/gaixab tsi /namda haba.

!Gai-!gab !na !norasa, tsi tsu-!gab !na gan gan Sa /gu-khoeb di ≠gom !gasa anuhase tanisen. E //iba ≠khixa tsi ≠khaisa ais /kha !gawa. /Gasan di !khusi, !khuhana //ama tsi ≠go-/ou, !ereamsa tani-gaisen ≠ha-handisa. !Anusib sa mi-mais diba sou, sa /gora-!gas !na ≠hanuai, e ≠anbasen sa gowas /kha, ≠hanu o !na khoei !oagu, e tanixasiba //gou ma khoei hoae. !Khainab !nara !guna !nase ibare, !oahana //khae ≠gaore, //gahana hurib ase ibare, sou !khaise ≠hasib !na han !aroma //Gai /ab !na hana ≠kha!na tsi soure, Ab ≠hanu aisib tsi-≠hanub tsikha Sadu sisenga ≠an !ga. !Gu khoena !kho-≠gare, so-/oa gaire tsaran !aroma ≠Guri hai gaire !hubasen !aroma, ≠gi hana mu gaibare, ga han di ≠aite !nase ibare. Amaba ≠hai gaire, ≠gom !gas di krongaire, ≠hanu aisib di tempela !gase //nai xu gaibare. E uitsama ≠oab ase sorot khoesib dite ibare, tsi ≠hanu aisib di ≠nuwisa ai !gubare, khi-o !nasib ≠ama !nase ire. Khoe-siba gagab di /oub ase iba. Goaisib hurib ai arkse tsi tsamtsi !nasib di sorese /homaxu. Tsi !nara !nati !a-≠uisab ai hati ase !hausa xu !haus //ga tsi ≠un ≠na - ≠amra hais ai ≠oan axase.

Khaisib gege !gai-!on gaisen, khoesib ni //ib di tsab !na !norasasiba hoga. Tsi !Khosabesisa ge !kho-!oa hoa /Gaixab !nage ne !hub aib ni !no ra gaihega. //ib ge /gawis tsab disa ge /khai-/khai !na !hub aib di !haus ni ha-hara ≠khiba ho ga, tsi !gaia-≠gaoba tsaga. Nes ge Elob /khoma xusa, /khomxa-!na tsia /khomxa ≠gaoba. Sige ge ge !kho-!oa !gam-!gamhesa. A ≠gomsabedo /gui-!naxasib Elob dib !na. Sadu ni /gawi-/gawihe ga. Tsi //nas /kha ≠gui-!nagu !ai-tsaga ge tani, Sadu ni ai-!gu ga. //ib gege ha !hub aib ba ni /asa gaise, Gore matidu Sado //ib /khara tsa ba /haodo //gari ≠gabi hasa tsib gaise higagahe ha !ati !na //an hasa.

Abdu’l Baha di ≠haweba xu ≠gae-khaiheha /Guib-/guib:

Ai Sats ia Sa isiba Elob //gage unutse, Sa mute nouxun !aroma ≠gan am tsi Elob hoa /gaixab di gaosib //ga //khowa-amre, Sa //khoresa /guise //ib //ga ≠ganre, Oats tae /guise //ib //ga oare Mus /awirob khemib Ta /oadi si //khorete di /oa-/oa tsi /oadisi /ae-aina ≠uru gai, !noesaseb ta /hawina ≠gou-≠gou tsi !haeseb ta !gae !non hehana !nora-!noratsugu tsi tsagaxu. Elob ge //ib ≠ais !oa di, tsi sada ge //nasa ra !kho-!ga. //ib ge ≠ais aba ra sisen ≠ui. Tsi //ib ta turaera mada. //nas !aromai ge ≠habasa //ib tanas !naga //guisensa tsi sa ≠gom !gasa Hoa-/gaixa Hui-aob !naga maisa.

- Bahá'u'lláh