Medina laau a dalwa mefiku eli , oo Kalunga e mu hoolola a ninge Omufimanekifi wedina laye, Omunaghono-Adishe; Omunahole-Aishe

Ou Omukanda omo twa didilika oufiku winya eshi eulu nedu la li la mikilwa kOuyelele oo wa tilila oshinge shao kombada yeshito alishe.

O, Oufiku ove wa nangekwa noupuna! Osheshi omuove mwa dalwa Efiku lOmwene; Efiku olo fye twa yapula li kale olamba yexupifo laaveshe ve li moilando aishe, yomadina aeshe, eholo lefindano kovafindani vomeenhele daalushe; etendo leluwa lehafo nolekuwililo meshito alishe.

Na fimanekwe unene, Omwene Kalunga, Omushiti womaulu aeshe, ou a etifa po Efiku eli lokutumbula Edina olo tali nyanyaula omahalo oundede aeshe, oshitwime shomadilongo ongaho-ngaho sha hanaunwa po, ndele edina laye “Ye ou e li po kuye mwene” tali piti ngeluwa tali tende kombada yomashakeneno eulu nedu (kombada yohorison). OmuOve omaviinyu omwenyo waalushe a tuvikululwa nomuvalo wounongo nowomatumbulo wa patululilwa ovakwambadayedu; oshihomo shomhepo yOmunanghenda yaalushe sha tililwa moitukulwa yedu aishe /moilongo aishe. Etumbalo nali pewe efimbo /otundi omo Oupuna wOmwene wa holoka; Ye ou e li Omunaenghono-adishe, Omushiivi-waashishe, Omunaunongo-aushe, nOmunaendunge-adishe.

O, oove olupale linene leulu nedu! Ou oo oufiku wotete oo Kalunga a hoolola u kale edidiliko loufiku winya outivali omo mwa dalwa, Ye, Omunhu oo e na etumbalo itai dulu okutumbulwa, po kape na elaka tali dulu okuwanifa po etumbalo laye. Heeno,oye tuu ou te va vadimifa aveshe. Oshili-shili, ota tale eholoko lavo lokombada note; li mono li li ngaashi meni lavo. Nota ikilile poikumwifa yopakalunga oyo ya pungulwa/tuvikilwa mElihololo olo. MElihololo omo okuhaitavela kwa kakamifwa noikalunga yomaitavelo ongaho, opomunghulo ya tataulwa. Opo nee epandela tali tulikwa (ombaneli) olo tali vilikile kutya “Kaku na Kalunga umwe vali, ehe fi Kalunga ou Omunanghono-adishe, Omutumbalekwa, pehe na ou ta dulu okuyelekwa naye, Omwaameni, Omunanghono-adishe, pehe na ou ta dulu oku mu uda ko.”

Oufiku ou omo edimba liwa loupopepi la kunguluka; oivelo yehanganifo ya mbwalangadjifwa noishitwa aishe tai ingida: “Ouhamba owaKalunga Omwene womadina aeshe, oo te uya nEpangelo tali tambulwa kounyuni aushe!” Oufiku oo Olupale linene tali tumbaleke Omwene walo , Omukombadambada, e na etumbalo linene. Ou omadina aeshe opaKalulunga tae mu tumbaleke, Ye ou e li Ohamba yopehovelo noyopexulilo mElihololo eli; mElihololo omo eenghono daye tadi shilile eemhunda kuye, Ye ou e li Omuliwanipo-mwene, Omukombadambada, ndele omitima adishe tadi taalele keholoko loshipala shaye, ou e li Omoholike-lela, oo omafo taa lelemifwa koshihomo shomhepo yodjuulufi, ndele omiti tadi yelula eendaka dado, tadi itavele nehafo keifano laye, Ye ou e li Nakuhanyengwakusha, nedu alishe otali kakamifwa kodjuulufi yokushakeneka Ohamba yaalushe ei.. Oinima aishe oya pepalekwa kehololo lOndjovo yeenghono, oyo tai hololwa kEdina laye li na eenghono.

O, Oufiku ove wEeshalinghenda adishe! Omuove hatu diinine shili Embo Meme yetu eli. Hano eli Embo moshili, ile hano okaana ka dalwa? Nokuli, naame Mwene! Eendjovo odo nomadina oo Kalunga mwene a yapula membo eli kombada yomadina aeshe. Nonande shi li Oshiholekwa noshikumwifa sha tuvukululwa. Nokulli, ame komwenyo wange! Omatumbulo a tumbulwa mEmbo Meme yetu eli oku li kombada yaashishe. Eli olo ehololo tali holola kutya “Kaku na kalunga umwe kombada yaKalunga kashili, ou e dule oikalunga aishe. Nokuli, fimbo oinima aishe inai shiivifwa ovanhu, Ye, Kalunga mwene okwe i uda nomatwi aye. Nava nangekwe noupuna, ovanangekwanoupuna ovo va shilipalekelwa oinima ei.

Omo Opena, ya mana omhata, yOmukombada tai ingida tai ti: “Oove ou wa tumbalekwa kombada yomadina aeshe. Ame ohadi ku indile paenghono doye di dule eulu nedu, u likaleke nge ndi ku tumbule, shaashi ame onda holoka po keenghono deshito loye. Ohandi dulu ngahelipi okuholola kutya, oishitwa aishe kai na eenghono doku ku hokolola? Ndele ame ohandi ane metumbalo loye ndi udife kutya Oove wa twa nge omukumo eshito alishe li kanduke po kehafo nokeshambuko, notashi ka dula ngahelipi okukala po komesho yomukungu wefuta lomatumbulo oye monghalo ya tya ngaha? Dimine nge po, Omwene, Opena ei ya fimana noi na efilonghenda kwaame, O, ove Mwene wange, Hamba yange. Ino valula omanyono ange koshipala shoye. Oshili, Oove Omwne wouyadi aushe / wewaneno alishe, Ove, Omunaengho-adishe, Omudiminipo waalushe, Omuyandji weeshali adishe.

- Bahá'u'lláh