Namibia: Bahá'í Prayers: Single Prayer : Android, iPhone, iPad, Windows, Mac

Ngotangwe ove Mukuru! Meri jarikana kOve kuimbi mbiwa vandurura, muwa tanaurira ondorera mo ndjerera, muwa tungira oNdembeli yOye ondjapuke, muwa vandururira omatjangwa omayapuke, muwa raisa ongoze ondjapuke jo rusuvero, okuhindira ami no vakwetu ihi tjimatji tupe omasa kutja tukambure meyuru rOye rouyapuke, no kukoha ongurunguse jo maivaiviro nge tjita kutja atuhakara noutakame wo kuhita motjouyapuke tjo mbwaneno yOye.

Owami, Ndjambi wandje, ngumba kambura nomasa ongoze jorusuvero rwOye, nu ekakatere kotjari nounyanutima wOye. Ndjikuizikira ami nova suverwa vandje imbi avihe oviwa indino ngaaruhe. Ve tjariparera, Muhona, no viyandjewa vyOye mbiwa horekera oviutwa vyOye ovitoororwa.

Inga, Muhona, ongeri omayuva Nguwa kuizikira ovakarere wOye okuriyapura. Ngasererwa ondaya, Ingui ngu meriyapura mena rOye erike no kuisa imbi ovyOuje no kukara nayOve erike. Ndjivatera, no vakwetu wina vevatera, Muhona, okukara no mbakatui kOve nokutiza omaraa wOye omayapuke. Muhona, Omutatua, Ove unomasa okutjita avihe otja kondero yOye.

Kapena Mukuru warue, Ngutjiwa avihe, Nguna ounongo auhe. Ondangero kOve erike Ndjambi, Ove omuute weyuru nehi