NDANGO ZOPAMPEPO

(SPIRITUAL ASSEMBLY)

Mokuhwilira mondjugo zondango, raperereni ndapero ezi nomutjima geharo lyakwa Karunga neraka lyelizuvho kwa navenye, yipo asi Munankondo nadinye a mu vatere mokufunda:

Hompa Karunga, Karunga gwange! Ose tu vapika Woge ava tuna pirukire nokulikwambera kosipara Soge Sokupongoka, esi satu mangurura kwa nayinye nekezuva Lyoge lyosikoda. Ose kuna lipongaiki mondango ezi zopampepo, kuna lipakerere mokudimburuka nomomagazaro getu, nomatokomeno getu mokulizuvha kumwe nonoNkango Doge nomokufumadeka kountungi. Ove, Hompa Karunga gwetu! Tu ninka tu kare yidiviso youmpitisili Woge wouKarunga, Marembe gomapuliro Goge aga pepauka mokatji kouzuni, vapika Woge velipakerero Lyoge lyononkondo, Ove Karunga GoMunenenene, Ehoramo lyaUmwe wouKrunga Woge mountungi woguho nomakwedi gokuvembera nakunye. Hompa! Tu kwafa tu kare nomukuro nombungururu donkenda Zoge zokutetukisa, marupupo ogo gana kupupiro kusikoda soge, Enyango lyouzuni sokositji soyirugana Yoge yemeguru, yitji oyo yina kulinyunganga kompepo zoUgavi Woge moSikunino soge semeguru.

Hompa, Karunga! Ninka nomwenyo detu dikoreka koNonkango daUmwe woge wouKarunga, nomutjima detu di zere mepimpiro nkenda Zoge, yiponye asi tu vhure kulipakerera ngwendi mankumpi gediva limwe nokuhegumuka kumwe ngwedi nohonga dosite Soge sokuvembera, asi magano getu, neyi atu mono, kuzuvha kwetu kukare ngwendi usili umwe, ogo ana moneka paumwe merongo nalinye. Ove Munankenda nadinye, Mudidimiki, Mugavi, Munankondo nadinye, Mufenkenda, Muzuvisi, Mufenkenda.

- `Abdu'l-Bahá