Frysk: Bahá'í Prayers: Single Prayer : Android, iPhone, iPad, Windows, Mac

O Jo, leafderyk Hear! Jo hawwe it hiele minskdom út deselde stam skepen. Jo hawwe foarbeskikt dat wy allegearre ta deselde famylje hearre. Foar Jo hillich Antlit binne allegearre Jo tsjinners en it hiele minskdom wurdt fan Jo Tabernakel beskerme. Wy allegearre binne gearkommen om Jo Tafel fan Oerfloed en wurde ferljochte troch it ljocht fan Jo foarsjennichheid.

O God! Jo binne freonlik foar ús allegearre, Jo soargje foar ús allegearre, Jo beskermje ús allegearre, Jo skinke libben oan ús allegearre. Jo hawwe ús allegearre mei talinten en mooglikheden bejeftige; wy allegearre binne dompele yn de oseaan fan Jo genede.

O Jo leafderyk Hear! Ferienigje alle minsken. Lit de godstsjinsten ienriedich wêze. Meitsje de folken ien, dat hja elkoar sjen meie as ien famylje en de hiele ierde as ien heitelân. Meie hja yn ienheid en iendracht mei elkoar omgean.

O God! Stiftsje de Aldergrutste Frede. Smei de herten oan inoar, o God! O Jo leafderyk Heit, God! Ferbliidzje ús hert mei de swietrook fan Jo leafde. Ferhelderje de eagen mei it ljocht fan Jo lieding. Streakje de earen mei de meldije fan Jo wurd en beskut ús allegearre yn de fêsting fan Jo foarsoarch.

Jo binne de Machtige en de Krêftige! Jo binne de Ferjouwende en Jo binne Dyjinge dy't it tekoartkommen fan it minskdom net telt.