Pule no ka Mea i Hala

(O ka Pule no ka Mea i Hala ka hoʻokahi o ko ka Bahai pule i koi ʻia e hana

ʻia ma ke anaina; e kukuʻi ʻōlelo ʻia kēia pule holoʻokoʻa e kahi mea paulele

hoʻokahi ʻoiai kukū ke anaina me ka leo hāmau. Wahi a ka hoʻākāka ʻana

mai a Bahaʻuʻllah, pono kēia pule inā he ʻumikumamālima a ʻoi makahiki o

ka mea i hala, pono e hana ʻia kēia pule ma mua o ke kanu ʻana, a ʻaʻole koi

ʻia ka huli ʻana o ke alo i ke Qiblih ʻoiai e pule ana. Hoʻokahi puana ʻana iā

“Alláh-u-Abhá” a kukuʻi ʻōlelo ʻia ka mua o nā lālani ʻeono no

ʻumikūmaiwa mau manawa. A laila, puana hou ʻia ʻo “Alláh-u-Abhá” i

hahai ʻia me ka kukuʻi ʻōlelo ʻana i ka lālani ʻalua no ʻumikūmaiwa mau

manawa, a pēlā aku a pau nā lālani ʻeono.)

E kuʻu Akua ē! ʻO kēia nō Kāu mea lawelawe, he pua a ka lālani o Kāu mau

mea lawelawe, i paulele loa iā ʻOe me nā hōʻailona Ou, a i huli loa aku iā

ʻOe me ka hulikua ʻana i nā mea ʻē aʻe a pau, koe ʻo ʻOe. ʻO ʻOe nō ka ʻoi

loa o nā mea aloha a pau.

E mālama iā ia, ʻoiai ʻo ʻOe ka mea e huikala i nā hala a hūnā aku i nā hewa

ma ke ʻano hoʻi e kohu ai ka lani o Kou waiwai a me ka moana o kou

lokomaikaʻi. E ʻae mai iā ia i nā pōʻai o Kou aloha oneʻula i kū mau ē ma

mua nō o ka lani me ke ao nei. ʻAʻohe Akua ʻē aʻe, ʻo ʻOe wale nō, ka

Huikala Mau, ka ʻOi o ke Kahiau.

E haʻi pāono akula ka mea pule i ka ʻōlelo “Alláh-u-Abhá,” a laila, e

kukuʻi i nā lālani o lalo he ʻumikūmāiwa manawa:

Alláh-u-Abhá (1x)

Hoʻomana nō kākou a pau i ke Akua. (19x)

Alláh-u-Abhá (1x)

Kūlou ihola kākou a pau i ke Akua. (19x)

Alláh-u-Abhá (1x)

Aloha kūpaʻa nō kākou a pau i ke Akua. (19x)

Alláh-u-Abhá (1x)

Hoʻonani akula kākou a pau i ke Akua. (19x)

Alláh-u-Abhá (1x)

Mahalo nō kākou a pau i ke Akua. (19x)

Alláh-u-Abhá (1x)

Ahonui no kākou a pau i ke Akua. (19x)

(Pili ka ʻōlelo hoʻolauna o luna aʻe (he pua a ka lālani) i ke kāne me ka

wahine, no laila, ʻaʻohe mea loli ma ka pule ʻana.)

- Bahá'u'lláh