Luganda: Bahá'í Prayers: Single Prayer : Android, iPhone, iPad, Windows, Mac

Abeemikwano gya Katonda bonna … basaana okuwaayo nga bwe basobola, ekiweebwawo kyabwe ne bwe kibeera kitono kitya. Katonda tabinika muntu yenna omugugu gw’atasobola kwetikka. Okuwaayo nga okwo kuteekwa okuva mu buli nkiiko zonna, n’abakkiriza bonna. … Abange Mmwe Mikwano gya Katonda! Mubeere bakakafu nti bwe munaawangayo, emirimu gyammwe egy’obulimi, n’obulunzi, amakolero gammwe, n’ebyobusuubuzi byammwe binaaweebwanga omukisa byeyongere okugaziwa, nga bivaamu ebirabo ebirungi n’emikisa. Oyo yenna ajja n’ekikolwa ekirungi anaafunanga ekirabo nga kyekubisizzaamu emirundi kkumi. Tewali kubuusabuusa nti Mukama omulamu anaakakasanga nnyo abo abakozesa obugagga bwabwe mu kkubo Lye.