Luganda: Bahá'í Prayers: Single Prayer : Android, iPhone, iPad, Windows, Mac

Ayi Katonda Alumirirwa! Weebazibwe Ggwe kubanga Ggwe onzuukusizza era n’onfuula omulabufu. Ompadde Ggwe eriiso eriraba, era n'ompa omukisa okutu kwange ne kuwulira; n’onkulembera okutuuka mu Bwakabaka Bwo era n’onnuŋŋamya mu kkubo Lyo. Ondaze Ggwe ekkubo ettuufu era n'onsobozesa okuyingira mu Kyombo ky'Okununulwa. Ayi Katonda! Onkuume nneme okusagaasagana era onnyweze mbeere omuvumu. Onkuume nneme okutuukibwako okugezesebwa okwamaanyi, era onkuume era ombubudamye mu bbugwe omugumu ennyo ow'Endagaano Yo n'Eddaame Lyo. Ggwe Owaamaanyi! Ggwe Liisoddene! Ggwe Awulira! Ayi Ggwe Katonda Alumirirwa!

Ompe omutima nga endabirwamu, oguyinza okwakaayakanyizibwa n'ekitangaala ky’okwagala Kwo, era ompe ebirowoozo ebiyinza okukyusa ensi eno n’efuuka nga ennimiro y'ebimuli bya looza nga oyita mu nsulo z’ekisa ekitukuvu.