Māori: Bahá'í Prayers: Single Prayer : Android, iPhone, iPad, Windows, Mac

KARAKIA MŌ TE AKO MAI I NGĀ PAPATUHI O TE KAUPAPA TAPU

E Koe Te Atua Kotahi Tonu! e Koe Te Ariki o te Kīngitanga! Ko ēnei wairua ora Tāu tauā o te rangi. Āwhinatia mai rātou, ā, meinga rātou kia wikitōria tahi me ngā tauā o te Huinga o Runga Rawa, kia rite ai rātou ki te hokowhitu-ā-Tū ka toa ai ki runga o ngā whenua mā te aroha o Te Atua me te mārama o ngā whakaakoranga tapu.

E Te Atua! Ko Koe hei poutautoko, hei pouāwhina, ā, ki te kōraha, ki te maunga, ki te awaawa, ki ngā ngahere, ki ngā mānia, me ngā moana, ko Koe hei whirinaki — ka taea ai te karanga mā te kaha o te Kīngitanga me te hā o te Wairua Tapu.

Tūturu, ko Koe te Pūkaha, te Mananui me te Kaha Rawa me te Pūkaha Nui, ā ko Koe te Whakaaronui te Rongo me te Kite.