Māori: Bahá'í Prayers: Single Prayer : Android, iPhone, iPad, Windows, Mac

MEA WHAKAATU KI NGĀ BAHÁ’Í O TE TONGA O AMERIKA

Ia wairua e haereere nei mā ngā taonenui, ngā taoneiti, me ngā kāinga o ēnei Kotahitanga, ā, kei roto o te horahanga o te kakara o Te Atua, māna tēnei whakatātakitanga e titiro ia ata.

E tōku Atua! e tōku Atua! Kei te kite Koe i tōku whakaiti me te ngoikoretanga, e warea rawa atu ana ki te mahi nui whakahara, e pūmau ana ki te whakaara i Tāu kupu ki waenga o Āu iwi. Me pēhea e ahau e toa ai ki te kore o Tāu āwhina mai ki te hā o te Wairua Tapu; āwhinatia ahau ki te wikitoria mā te tini o Tāu kīngitanga korōria, tāuwhitia hoki ahau ki Āu manaakitanga, e taea noa iho ai e ia te whakarerekē i te namu ki te īkara, te māturuturutanga o te wai ki te awa me te moana, ā, ko tētahi ngota ki ngā whetūmārama me ngā rā? e tōku Ariki! Āwhinatia ahau ki Tōu kaha manahau me te tōtika, kia taea ai e tōku arero te whakatātaki i Tōu korōria me Ōu āhua ki ngā iwi katoa, ka pūrena ai tōku wairua ki te waina o Tōu aroha me Tōu mātauranga.