Fiji: Bahá'í Prayers: Single Prayer : Android, iPhone, iPad, Windows, Mac

O i Kemuni na Kalou yalololoma! Au sa Vakavinavinaka vei Kemuni ni O ni sa vakayadrati au ka vukei au me u vakila na yaloqu. O ni sa solia vei au na mata me u sa rai rawa kina ka vakaivotavotataki au e na daliga me u rogo rawa kina; O ni sa kauti au ki na Nomuni matanitu ka tuberi au yani ki na Nomuni gaunisala. O ni sa vakaraitaka vei au na sala dina ka vakavuna me u sa bau curu rawa ki na tadrua ni veivakabulai. O i Kemuni na Kalou! Ni maroroi au me u gugumatua tiko ga ka vukei au me u dei ka kaukauwa. Ni taqomaki au mai e na veivakatovolei rerevaki e vuqa, maroroi au ka vakarurugi au e na loma ni baivatu kaukauwa ni veitaqomaki e na Nomuni Veiyalayalati kei na Veidinadinati. O i Kemuni ga na kaukauwa, O i Kemuni na Dauveirairaici. O i Kemuni na Dauveirogorugoci.

O i Kemuni na Kalou Yalololoma! Ni vakatokara vei au e dua na uto o Koya, me vaka na iloilo, ka me qai vakararamataki e na rarama ni Nomuni loloma, ka solia sobu mai vei au na i vakarau ni vakanananu o koya me na qai vukica na vuravura oqo me sa vaka e dua na loga ni rosi e na loma ni Nomuni i solisoli vakayalo.

O i Kemuni ga na Yalololoma, na Dauveivosoti. O i Kemuni na Kalou e Levu na Nomuni Lewa Yaga.