नेपाली: Bahá'í Prayers: Single Prayer : Android, iPhone, iPad, Windows, Mac

हे अद्वितीय प्रभु ! यो बिचरा बालकको लागि तिमी आश्रय बनिदेऊ र यो गल्ती गर्ने र दु:खी आत्माको लागि दयालु र क्षमाशील मालिक भइदेऊ । हे प्रभु ! हामीहरू काम नलाग्ने पौधाहरूजस्तै भए तापनि तिम्रै गुलाबको बगैंचामा फुल्दछौं । पात र फूलहरू नभएका बेर्नाहरू भए तापनि तिम्रो फलोद्यानकै अशं हौं । अतः यो पौधालाई पनि तिम्रो कोमल दयाको मेघबाट झरेको पानीद्वारा सिँचन गरेर हुर्काऊ र यो बेर्नालाई पनि आफ्नो आध्यात्मिक वसन्त ऋतुको शीतल समीरद्वारा तरोताजा गराऊ र विकसित गराऊ ।

यसलाई संवेदनशील बनाइदेऊ, सूक्ष्म दृष्टि प्रदान गर र सुशील आचरणको बनाइदेऊ र यस्तो व्यवस्था गरिदेऊ कि यसले अनन्त जीवन प्राप्त गर्न सकोस् र सदासर्वदा तिम्रो अधिराज्यमा बास गर्न सकोस् ।