नेपाली: Bahá'í Prayers: Single Prayer : Android, iPhone, iPad, Windows, Mac

मेरा पूजा र आराधनाका लक्ष्य, मेरा प्रभु ! म तिम्रो एकता र अद्वितीयताको साक्षी दिन्छु तथा अतीत र वर्तमानमा तिम्रा सारा उपहारहरूलाई स्वीकार गर्दछु । तिमी नै सर्व– दानी हौ र तिम्रै कुपाको प्रचुर दयावृष्टिले ठूला र साना सबैलाई सिञ्चित गरिरहेको छ र तिम्रो अनुग्रहको वैभव आज्ञाकारी र उद्दण्ड सबैमाथि समान रूपमा बगिरहेको छ ।

हे करुणानिधि, तिम्रो द्वारसामु दयाको विशुद्धसार नतमस्तक भएको छ र तिम्रो पुण्यालयको वरिपरि प्रगाढ भक्तिसित प्रेमाद्र–दया परिक्रमा गरिरहेको छ । तिम्रो प्राचीन अनग्रहको आशा राख्दै र तिम्रो वर्तमान कृपाको चाहना गर्दै हामी तिमीसित याचना गर्दछौ कि जीवलोकमा प्रकट भएका ती सबैमाथि तिमी दया गर र तिम्रो यस युगमा तिम्रो अनुग्रहको वृष्टिबाट तिनीहरूलाई वञ्चित नगराऊ । हामी सबै गरीब तथा अभावग्रष्त छौं, तर तिमी निश्चय नै सर्व– सम्पन्न, सर्व–विजयी तथा सर्व–शक्तिमान् छौ ।