नेपाली: Bahá'í Prayers: Single Prayer : Android, iPhone, iPad, Windows, Mac

हे प्रभु, मेरा ईश्वर ! तिम्रो जय होस् किनकि तिमीले मलाई तिम्रो एकतामा दीक्षित गरायौ, तिम्रो अद्वैततातिर आकर्षित गरायौ, तिम्रो प्रेमको अग्निद्वारा प्रज्ज्वलित गरायौ र तिम्रा मित्रहरू तथा तिम्रा सेवक– सेविकाहरूको सेवामा तथा तिम्रो गुणगान गर्न र स्मरण गर्नमा व्यस्त राख्यौ ।

हे प्रभु ! मलाई विनम्र र सुशील बन्नमा सहायता गर र मलाई सबै वस्तुहरूको मायामोहबाट मुक्त गराऊ र तिम्रो गौरवशाली वस्त्रमा टाँस्सिएर बस्न देऊ ताकि मेरो हृदय तिम्रो प्रेमले भरिपूर्ण भइरहोस् र यो ससांर र त्यहाँ भएका वस्तुहरूको मोहको लागि त्यहाँ कुनै स्थान बाकीँ नरहोस् ।

हे प्रभु ! तिम्रो अतिरिक्त अन्य सबै कुराहरूबाट मलाई पवित्र गराऊ, पाप तथा अपराधहरूको कसरबाट मलाई स्वच्छ पार र एउटा आध्यात्मिक हृदय र आत्मा धारण गर्नमा मलाई मद्दत गर ।

वस्तुतः तिमी दयालु छौ, तिमी सबभन्दा दानी छौ र सबै तिम्रो सहायता खोजिरहेका छन् ।