नेपाली: Bahá'í Prayers: Single Prayer : Android, iPhone, iPad, Windows, Mac

हे ईश्वर, तिमी सारा अवतारहरूका स्रष्टा हौ, सारा स्रोतहरूका पनि स्रोत हौ, सारा प्रकटीकरणहरूका मूल हौ, सारा प्रकाशहरूका ज्योतिपुञ्ज हौ । म प्रमाणित गर्दछु कि तिम्रो नामद्वारा नै ज्ञानको स्वर्ग सिंगारिएको छ, वाणीको समदु्र उर्लिरहेको छ र सबै धर्मावलम्बीहरूको लागि तिम्रो धर्म प्रसारित गरिएको छ ।

म तिमीसित याचना गर्दछु कि मलाई यति सम्पन्न बनाइदेऊ कि म तिमीबाहेक अरू सबैसितको सम्बन्ध तोड्न सकूँ र तिम्रो अतिरिक्त सबैबाट स्वतन्त्र हनु सकूँ । आफ्नो अनुकम्पाको बादलबाट ममाथि त्यस्ता कुराहरूको वृष्टि गराऊ जुन तिम्रा सबै लोकहरूमा मेरो लागि कल्याणकारी सिद्धहोस् । तिम्रो शक्तिशाली कृपाद्वारा मलाई सहायता गर ताकि तिम्रा भक्तजनको माझमा म तिम्रो धर्मको सेवा यसरी गर्न सकूँ जसको सम्झना तिम्रो सत्ता र तिम्रो अधिराज्य रहिञ्जेलसम्म गरिइनेछ ।

हे मेरा प्रभु ! तिम्रो यो सेवक पूर्णरूपमा तिम्रो कृपाको क्षितिजतिर, तिम्रो दयाको समुद्रतिर र तिम्रा उपहारहरूको स्वर्गतिर अग्रसर भइरहेको छ । यो सित यस्तो व्यवहार गर जो तिम्रो अनुकम्पा, तिम्रो दयाको प्रचुरता, तिम्रो महिमा र तिम्रो वैभव सुहाँउदो होस् ।

तिमी साँच्चै नै शक्ति र सामथ्र्यका ईश्वर हौ ।

तिमीलाई प्रार्थना गर्ने सबैको पुकारलाई तिमी सुन्दछौ ।

सर्व–ज्ञाता, सर्व–बुद्धिमान्, तिमीबाहेक अर्को ईश्वर छैन ।