नेपाली: Bahá'í Prayers: Single Prayer : Android, iPhone, iPad, Windows, Mac

हे तिमी जसको परीक्षा तिम्रा भक्तहरूको लागि रोगनिवारण गर्ने औषधि हो, तिम्रो दरबार तिम्रा प्रेमीहरूको उत्कृष्ट अभिलाषा हो, तिम्रो वाणी तिम्रो दर्शन गर्न लालायित हुनेहरूको सबभन्दा प्रबल इच्छा हो र तिम्रो सत्यलाई स्वीकार्नेहरूको लागि तिम्रो आज्ञानै तिनको एकमात्र ध्यये हो ! तिम्रो दिव्य माधुर्य र तिम्रो गौरवशाली मुखमण्डलका प्रतापद्वारा म तिमीसित याचना गर्दछु कि आफ्नो वैकुण्ठलोकबाट यस्ता कुराहरूको वृष्टि गरिदेऊ, जसले हामीलाई तिम्रो नजिकमा आकर्षित गर्न सकोस् । अतः हे मेरा प्रभु ! हाम्रा गोडाहरूलाई तिम्रो धर्मको बाटोमा दह्रो बनाइदेऊ, तिम्रो ज्ञानको प्रकाशद्वारा हाम्रा हृदयहरूलाई प्रदीप्त गराऊ र तिम्रा नामहरूको ज्योतिद्वारा हाम्रा आत्माहरूलाई प्रज्ज्वलित गराइदेऊ ।