Malti: Bahá'í Prayers: Single Prayer : Android, iPhone, iPad, Windows, Mac

O Alla tiegħi, O Alla tiegħi! Fis-sewwa, dawn il-qaddejja qed iduru lejK, jitolbu lis-saltna tal-ħniena tiegħeK. Fis-sewwa, huma miġbudin mill-qdusija tiegħeK u mkebbsin bin-nar ta’ l-imħabba tiegħeK, ifittxu l-konferma minn saltnateK tal-għaġeb, u jittamaw li jiksbu saltnateK smewija. Fis-sewwa, huma mxennqin għal inżul għotjietek, jixtiequ d-dawl mix-Xemx tar Realtà. O Sid! Agħmilhom lampi jiddu, egħliem ta’ ħniena, siġar għammiela u kwiekeb imxejxa. Halli jersqu ’l quddiem fis-servizz tiegħeK u jkunu magħqudin miegħeK bil-qofol u bl-irbit ta’ l-imħabba tiegħeK, jixxenqu għad-dwal tal-għoġba tiegħeK. O Sid! Agħmilhom egħliem ta’ tmexxija, mudelli ta’ SaltnateK li ma tintemmx, mewġ il-baħar tal-ħniena tiegħeK, mirja ta’dawl il-maestà tiegħeK.

Fis-sewwa, Inti il-Ġeneruż. Fis-sewwa, Int il-Ħanin. Fis-sewwa, Int il-prezzjuż, il-Maħbub.