Kreyol Ayisyen: Bahá'í Prayers: Single Prayer : Android, iPhone, iPad, Windows, Mac

Return to BahaiPrayers.net Facebook

Se Li Ki Pisan an, Ki Padone, Ki Gen Kè Sansib!

O Bondye, Bondye mwen! Ou wè sèvitè Ou yo nan falèz lanfè ak erè; O Ou menm Dezi mond la, ki kote limyè direksyon diven Ou? Ou konnen kòman yo pa kapab ede tèt yo e jan yo fèb; ki kote siyn pouvwa Ou, O Ou menm Ki kenbe nan men Ou tout pouvwa syèl la ak tè a?

Mwen mande Ou, O Senyè Bondye mwen, poutèt ekla limyè ki soti nan dous jantiyès Ou ak gran vag ki monte nan oseyan konesans ak sajès Ou e poutèt Pawòl Ou te sèvi pou dirije pèp yo nan wayòm Ou an, mwen mande Ou pou konte mwen pami moun ki te swiv kòmandman Ou yo nan Liv Ou a. Epi chwazi pou desten mwen sa Ou te chwazi kòm desten pou moun ki te gen konfyans Ou, yo menm ki te vrèman bwè nan kalis bonte Ou bwason diven ki bay lespri selès la, ki te prese pou fè sa Ou te vle e ki te swiv Alyans ak Testaman Ou. Ou gen Pouvwa pou fè tout sa Ou vle. Pa gen lòt Bondye esepte Ou, Sila a Ki Konnen Tout Bagay, Ki Gen Tout Sajès la.

O Senyè, chwazi pou mwen, avèk bonte Ou, sa ki pral mennen mwen jwenn richès ni nan mond sa a ni nan mond aprè a e sa ki pral atire mwen nan prezans Ou, O Ou menm Ki se Senyè tout lèzòm. Pa gen lòt Bondye esepte Ou, Sila a Ki Rete Pou Kont Li, Pisan an, Li menm Ki Glorifye a.

- Bahá'u'lláh

Windows / Mac