Kreyol Ayisyen: Bahá'í Prayers: Single Prayer : Android, iPhone, iPad, Windows, Mac

Lwanj pou Non Ou, O Senyè Bondye mwen! Mwen se sèvitè Ou ki te rale Kòd dous mizèrikòd Ou yo, e ki te kenbe fèm sou ke wòb gran bonte Ou a. Mwen priye Ou poutèt non Ou ki fè Ou domine tout bagay ki te kreye, ni sa ki vizib ni sa ki envizib, e ki te fè Ou soufle vrè souf lavi a sou tout kreyasyon an, pou ranfòse mwen avèk pouvwa Ou ki te antoure syèl la ak tè a, e pou pwoteje mwen kont tout maladi ak tribilasyon. Mwen bay temwayaj se Ou menm Ki Senyè tout non yo, e se Ou menm Ki Bay Lòd pou akonpli tout sa ki ta kapab fè Ou kontan. Pa gen okenn lòt Bondye pase Ou, Toupisan an, Sila a Ki Konnen Tout Bagay, Ki Gen Tout Sajès la.

O Senyè mwen! Chwazi pou mwen sa ki pral bon pou mwen nan chak mond pami tout mond Ou yo. Epi, voye desann pou mwen sa Ou te ekri pou moun Ou te chwazi pami kreyati Ou yo - yo menm ki pa te kite kritik moun k’ap kritike yo, ni bwi enkredil yo, ni separasyon moun ki elwanye tèt yo ak Ou, anpeche yo vire nan direksyon Ou.

Vrèman, se Ou menm Ki Pote Sekou nan Danje avèk pouvwa souverènte Ou. Pa gen okenn Bondye Ki egziste esepte Ou menm, Toupisan an, Sila a Ki Gen Plis Pouvwa a.