Kreyol Ayisyen: Bahá'í Prayers: Single Prayer : Android, iPhone, iPad, Windows, Mac

Return to BahaiPrayers.net Facebook

Se Li menm Ki Bondye!

O Senyè Ki pa gen parèy! Nan sajès Ou ki toupisan an, Ou te bay pèp Ou yo direksyon pou yo marye, pou pèmèt yon jenerasyon ranplase yon lòt nan mond materyèl sa a, epi, pou lèzòm ta kapab okipe yo nan Papòt inite Ou a nan sèvis ak devouman, nan salitasyon, nan adore Bondye ak louwe Li toutotan lemonn materyèl la ta egziste. “Mwen te kreye zanj yo ak lèzòm sèlman pou yo kapab adore Mwen.” Poutèt sa, O Senyè, nan paradi mizèrikòd Ou, marye de zwazo sa yo ki soti nan nich lanmou Ou, e fè yo tounen yon leman k’ap atire gras Ou pandan tout tan; pou pèmèt rankont de oseyan lanmou sa yo ta fè yon vag jantiyès k’ap monte parèt epi lage bèl koki ki san tach yo nan bòrivaj lavi a. “Li te kreye de oseyan yo, pou pèmèt yo rankontre: Ant yo gen yon baryè yo pa kapab travèse. Alò, pami tout bonte Senyè ou a, kiyès ou pral rejte? Anndan chak oseyan Li fè soti koki ki pi gran yo ak sa ki pi piti.”

O Ou menm, Senyè mizèrikòdye! Pèmèt maryaj sa a fè kokiyaj ak bijou parèt. An verite, se Ou menm Ki Gen Tout Pouvwa, Ki Pi Gran, Ki Toujou Padone.

- `Abdu'l-Bahá

Windows / Mac