Kreyol Ayisyen: Bahá'í Prayers: Single Prayer : Android, iPhone, iPad, Windows, Mac

O Senyè mwen! Ou konnen pèp yo ansèkle ak doulè ak kalamite epi soufrans ak difikilte ap antoure yo. Chak eprèv ap atake lòm epi chak malè difisil ap frape li tankou atak yon sèpan. Pa gen okenn abri oubyen refij pou li esepte anba zèl pwoteksyon Ou, defans Ou, siveyans Ou ak swen Ou.

O Ou menm Sila a Ki Mizèrikòdye a! O Senyè mwen! Fè pwoteksyon Ou tounen defans mwen, fè swen Ou sèvi boukliye mwen, fè soumisyon mwen devan pòt linite Ou a sèvi gadyen mwen, e siveyans ak sekirite Ou yon fòterès pou mwen ak domisil mwen. Pwoteje mwen kont tout tantasyon egoyis ak dezi mwen, epi defann mwen kont chak maladi, eprèv, difikilte ak soufrans.

An verite, se Ou menm Ki Pwotektè a, Gadyen an, Siveyan an, Sila a Ki Sifi pou tout moun, e an verite, se Ou menm Ki Mizèrikòdye a pou Li menm Ki Pi Mizèrikòdye a.