Kreyol Ayisyen: Bahá'í Prayers: Single Prayer : Android, iPhone, iPad, Windows, Mac

O Pwovidans Diven an! Rankont sa a regwoupe zanmi Ou ki atire ak bèlte Ou e k’ap boule ak dife lanmou Ou. Fè nanm sa yo tounen zanj syèl la, resisite yo avèk souf Lespri Sen Ou an, ba yo don lapawòl ak kè ki fèm, voye sou yo yon pouvwa selès ak lespri mizèrikòdye, fè yo vin zouti pou linite limanite, koz lanmou ak antant nan mond imen an, pou pèmèt fènwa danjere ki nan prejije inyoran yo kapab disparèt akoz limyè Solèy Verite a, pou pèmèt mond tris sa a kapab klere, pou wayòm materyèl sa a kapab bwè reyon ki soti nan wayòm lespri a, pou divès koulè sa yo kapab reyini nan yon sèl koulè, epi pou melodi lwanj la kapab monte jis nan wayòm sentete Ou a.