اُردُو: Bahá'í Prayers: Single Prayer : Android, iPhone, iPad, Windows, Mac

اے میرے محبوب ، اے میرے مقصود،

تو دیکھتا ہے کہ یہ فانی بندہ تیری طرف متوجہ ہے اور تجھ سے کوثر بقا کا طلب گار ہے۔ وہی نعمت عطا فرما جو تیری شان عظمت کے لائق ہے اور تیرے ایام کے مناسب ہے۔ میں تیرے اسم اعظم کے وسیلے تجھ سے سوال کرتا ہوں کہ اپنے بندوں کی غفلت کے پردے پھاڑ دے اور انہیں اپنا دروازہ رحمت دکھا اوران کے لئے اسے کھول دے۔ سونے والوں کو شفقت و مہربانی کے ہاتھ سے جگا دے اور غافلوں کو نرم لطیف ندا سے باخبر کر دے تا کہ سب تیری طرف متوجہ ہوجائیں اور تیری باگارہ کا رخ کریں۔ اے پروردگار! انہیں اپنے ابر رحمت کے فیوض سے محروم نہ فرما اور اپنے ایام میں بہار فضل کی نسیم سے بے بہرہ نہ رکھ۔ میں گواہی دیتا ہوں کہ تیری رحمت ساری کائنات پر چھا رہی ہے اور تیری عنایت تمام اہل زمین و آسمان پر محیط ہے۔ تیرے سوا کوئی خدا نہیں تو ہی ہے بخشنے والا کرم فرما۔