اُردُو: Bahá'í Prayers: Single Prayer : Android, iPhone, iPad, Windows, Mac

Return to BahaiPrayers.net Facebook

ہواللہ

اے مقبلان، اے موقنان، بارگار نیاز میں شکرانے کا ہاتھ بلند کرو اور اس ترانے کا آغاز کرو۔

اے پروردگار! تیرا شکر کہ تونے ان بینواؤں کو پُر نوا فرمایا اور ان گمراہوں کو راہ ہدایت دکھائی۔ ظلمت کے اندھیروں سے نجات بخشی اور احدیت کے فیض انور سے انہیں خوش نصیب و بہرہ ور فرمایا۔ ہم سب بے خبر اور بیگانے تھے تو نے ہمیں آشنا و آگاہ کیا۔ فقیر تھے، دولت عظمیٰ بخشی، علیل تھے شفادی۔ اسیر تھے رہائی بخشی۔ پژمردہ تھے تروتازگی عطا کی۔ افسردہ تھے گرمی جہان سوز عنایت کی۔ اے یزدان مہربان! اپنی پناہ احدیت میں محافظت فرما۔ تاکہ نفس و ہویٰ کی بدرنگیوں سے ہم محفوظ رہیں اور تیری عون و عنایت کے سیپ میں مصفا اور مکنون موتیوں کی طرح مامون و محفوظ رہیں۔ ہر آن نئی روح اور زندگی سے منور کر اور ہر دم اپنے دَم مشکبار سے ہمارے مشام معطر فرما اور اپنے آستان مقدس کی عبودیت پر موفق کر۔

- Bahá'u'lláh

Windows / Mac