اُردُو: Bahá'í Prayers: Single Prayer : Android, iPhone, iPad, Windows, Mac

Return to BahaiPrayers.net Facebook

ہواللہ

اے پروردگار! دوستوں کو نیک بخت بنا اور اپنی عبودیت کا ہمدم و دمساز فرما۔ قلوب کو نورانی کر، اور چہروں کو رحمانی بنا۔ تاکہ عالم انسانی میں محبت و مہربانی کی بنیاد قائم ہو اور نوع بشر ایک دوسرے پر شیفتہ اور مہر پرور ہوجائیں۔ مشرق مغرب کو بغلگیر کرے۔ یورپ بلا تاخیر تیری محبت کی راہ پر چل پڑے تُرک اہل تاجیک کو اپنا ہمدم جانیں، ایک دوسرے کو گلے لگائیں اور مہربانی سے پیش آئیں۔ سب نہایت الفت و محبت سے ایک دوسرے کے ساتھ معاشرت اور میل جول رکھیں بیگانگی باقی نہ رہے، غیروں کا ذکر ہی نہ ہو، ایک دوسرے کو آشنا، دوست اور غمگسار جانیں، اے پروردگار! اس تاریک رات کو روشن دن میں بدل دے۔ا قوام و ملل میں موجود بغض و عداوت کو انس و محبت میں تبدیل کردے تاکہ تیرا خلق کردہ عالم آسائش حاصل کرے اور غرور سے پُر جہاں عالم الٰہی سے اچھا نصیب پائے۔ توہی مقتدر و توانا ہے اور توہی بخشنے والا، درخشندگی عطا کرنے والا اور بینا ہے۔

- Bahá'u'lláh

Windows / Mac