اُردُو: Bahá'í Prayers: Single Prayer : Android, iPhone, iPad, Windows, Mac

Return to BahaiPrayers.net Facebook

ہواللہ

اے دلبر آفاق! ان نورانی دوستوں کو ہر دم فیوضات رحمانی کا مظہر فرما اور الطاف سبحانی کا سبب بنا۔ اپنی حقیقی محبت سے مدد کر اور عشق حقیقی کی تجلیات کا جلوہ دکھا اور ایسے ہیجان اور جوش میں لا کہ اختیار کی مہار ہاتھ سے چھوٹ جائے اور ہر ایک آگ برسانے والا سیارہ بن جائے، اوھام کو جلادیں اور نفوس کے پرددوں کو بھسم کر دیں، تیرے ذکر میں مشغول ہو جائیں اور تیرا خُلق و خو اختیار کریں۔ طالبوں کو تیرے چہرے کا عاشق بنائیں۔ پیاسوں کو چشمہ حیات سے پلائیں اور زندہ کریں ۔

اپنے کردار و رفتار سے تیری تعلیمات کو جاری کریں، یوم ظہور کے نفحات کو منتشر کریں۔ جنت ابہیٰ کے گلشن کے نسیم کو پھیلائیں، شرق کو زندہ اور غرب کو تر و تازہ کریں۔ وحدت عالم انسانی کے خیمہ اور نور مبین کے جھنڈے کو بلند کریں، آتش عشق بھڑکائیں، سخت پتھر کو نرما دیں، اندھی آنکھوں کو تیری قوت سے روشن کریں اور تیرا آشفتہ و شیدائی بنا دیں جو دلبر چاہتا ہے اس کو جاری فرما۔ توہی ہے معشوقِ آفاق اور توہی ہے محبو ب اہل و فاق۔ تم پر نور و بہآء ہو۔

- Bahá'u'lláh

Windows / Mac