اُردُو: Bahá'í Prayers: Single Prayer : Android, iPhone, iPad, Windows, Mac

Return to BahaiPrayers.net Facebook

ہواللہ

اے پروردگار! ان پاک و پاکیزہ نفوس کو ابنائے ملکوت بنا اور ان نورانی چہروں کو رحمانی آفتاب بنا دے۔ ان زندہ قلوب کو اپنی محبت کی شراب سے سرشار کر اور ان آزاد جانوں کی بشارت کبریٰ سے بے انتہا فرح و سرور عطا کر۔ زبانوں کو اپنے ذکر میں ناطق فرما اور آنکھوں کو اپنی ملکوت کے انوار کے مشاہدے سے روشن فرما۔ اے پروردگار! فیض آسمانی بخش اور حیات ابدی عطا فرما اور ان نفوس کو ملکوتی قوت، آسمانی موہبت، رحمانی اخلاق، سبحانی مواہب، منجذب قلب، روحی بشارت اور روح القدس کی تائید سے موفق اور موید فرما۔ تو ہی ہے مقتدر، عزیز و توانا اور توہی ہے عالم و واقف و بینا۔

- Bahá'u'lláh