VAVAKA HOAN’NY VALANARETINA

Amin'ny Anarany, Ilay Asandratra Indrindra, Ilay Tena Avo, Ilay Tsara Indrindra!

Ankalazaina Ianao, ry Tompo Andriamanitro ô! O Ianao ilay Andriamanitro, sy Mpampianatro, sy Tompoko, sy Mpanohana ahy, sy Fanantenako , sy Fialofako sy Fahazavako. Mangataka Aminao aho, amin'ny Anaranao miafina sy sarobidy, izay tsy misy mahalala afa-tsy Ianao irery ihany, mba hiaro izay mitondra ity takelaka ity amin'ny loza sy ny valan'aretina rehetra, amin'ny lehilahy sy vehivavy manana toetran-devoly rehetra; amin’ny asa ratsin’ireo ratsy fanahy sy amin’ny tetidratsin’ireo tsy mpino. Arovy ihany koa izy, ry Andriamanitro ô, amin'izay mety ho fanaintainana sy alahelo rehetra, ô Ianao izay mitazona eo an-Tananao ny fanjakana amin-javatra rehetra.

Tena mahery marina tokoa ambonin’ny zavatra rehetra Ianao. Manatanteraka izay tianao Ianao ary mandidy izay Irinao. O Ianao Mpanjakan'ny Mpanjaka ! O Ianao Tompo tsara . O Ianao Loharanon'ny Hatsaram-panahy fahagola, ny fahasoavana, ny fahalalahan-tanana sy ireo soa! O Ianao Mpanasitrana ireo aretina! O Ianao izay ampy ho an’ireo filànay! O Ianao Fahazavan’ny fahazavana rehetra! O Ianao Fahazavana ambonin’ireo fahazavana rehetra! O Ianao Mpanambara ireo Fanehoana tsirairay avy! O Ianao Ilay Mpangoraka! O Ianao Ilay Mpamindra fo! Mamindrà fo amin'izay mitondra ity takelaka ity, amin'ny Fangoraham-ponao lehibe indrindra sy ny fahasoavanao marobe, ô Ianao Ilay Mpamindra fo, Ianao Ilay Malala-tanana. Arovy ihany koa izy, amin'ny alàlan'ny Fiarovanao, amin'ny zavatra rehetra mety hahatsiravina ny fony sy ny sainy.

Amin'ireo izay manam-pahefana, Ianao, marina tokoa, no Mahery indrindra. Ny Voninahitr'Andriamanitra anie hitoetra aminao, ô ry masoandro misandratra! Mijoroa ho vavobolombelona amin'izay nambaran'Andriamanitra fa Izy Tenany mihitsy, fa tsy misy

- Bahá'u'lláh