ಕನ್ನಡ: Bahá'í Prayers: Single Prayer : Android, iPhone, iPad, Windows, Mac

ಓ ನನ್ನ ಪರಮಾತ್ಮನೇ, ಒಡೆಯನೇ, ನನ್ನ ಆಕಾಂಕ್ಷೆಯನ್ನು ಪೂರೈಸಬಲ್ಲವನೇ, ಈ ನಿನ್ನ ಸೇವಕ ನಿನ್ನ ಕರುಣೆಯ ರಕ್ಷಣೆಯಲ್ಲಿ ನಿದ್ರೆ ಮಾಡಬಯಸುತ್ತಾನೆ. ನಿನ್ನ ಘನತೆಯ ಆಶ್ರಯದ ಕೆಳಗೆ ವಿಶ್ರಾಂತಿ ಪಡೆಯಲು ಇಚ್ಛಿಸುತ್ತಾನೆ. ನಿನ್ನ ಪೋಶಣೆ ಹಾಗೂ ಸಂರಕ್ಷಣೆಗಾಗಿ ಮೊರೆಯಿಡುತ್ತಾನೆ.

ಓ ಪ್ರಭುವೇ, ಎವೆಯಿಕ್ಕದೆ ನಿನ್ನ ಕಣ್ಣುಗಳಿಂದ ನಿನ್ನನ್ನಲ್ಲದೆ ಬೇರೆ ಯಾರನ್ನೂ ನೋಡದಂತಿರಲು ನನ್ನ ಕಣ್ಣನ್ನು ರಕ್ಷಿಸಬೇಕೆಂದು ಬೇಡುವೆ. ನಿನ್ನ ಸಂಜ್ಞೆಗಳನ್ನು ಅಲ್ಲದೆ ನಿನ್ನ ಸಾಕ್ಷಾತ್ಕಾರವನ್ನು ಗುರುತಿಸುವಂತೆ ನನ್ನ ದೃಷ್ಟಿಯನ್ನು ದೃಢಪಡಿಸು. ಯಾರ ಅಖಂಡ ಸಾಕ್ಷಾತ್ಕಾರದ ಮುಂದೆ ಬಲದ ಪ್ರಭಾವವೂ ಕೂಡ ಬೆದರಿಬೆಚ್ಚಿಬಿದ್ದೀತೋ ಅಂಥಾ ಪರಮ ಪ್ರಭಾವಶಾಲಿಯೂ ನೀನೇ. ಸರ್ವಶಕ್ತ, ಸರ್ವವಿಜಯಿ, ನಿಯಮಾತೀತನಾದ ನೀನಲ್ಲದೆ ಬೇರೆ ದೇವರಿಲ್ಲ.