ಕನ್ನಡ: Bahá'í Prayers: Single Prayer : Android, iPhone, iPad, Windows, Mac

ಓ ಪ್ರಭು ನನ್ನ ದೇವರೇ, ನಿನ್ನ ನಾಮದ ಸ್ತುತಿಯಾಗಲಿ! ಯಾವ ನಾಮದ ಮೂಲಕ ಕಾಲವು ನಿಂತು ಹೋಗಿತ್ತೋ, ಪುನರ್ಜೀವನ ಸಾಧ್ಯವಾಗಿತ್ತೋ, ಭೂಮಿ ಮತ್ತು ಸ್ವರ್ಗದಲ್ಲಿರುವವರೆಲ್ಲರೂ ಭಯದಿಂದ ಕಂಪಿತರಾಗಿದ್ದರೋ ಅದರಿಂದ, ನಿನ್ನ ಬಳಿ ತಿರುಗಿ ನಿನ್ನ ಧರ್ಮಕ್ಕೆ ಸಹಾಯ ಮಾಡಿದವರ ಹೃದಯಗಳನ್ನು ಸಂತೋಷಪಡಿಸುವಂತಹ ನಿನ್ನ ಕೃಪಾಸ್ವರ್ಗ ಹಾಗೂ ನಿನ್ನ ಸುಕೋಮಲ ಕರುಣೆಯ ಮೋಡಗಳಿಂದ ವರ್ಷಿಸುವಂತೆ ಮಾಡೆಂದು ನಾನು ನಿನ್ನಲ್ಲಿ ಪ್ರಾರ್ಥಿಸುತ್ತಿದ್ದೇನೆ.

ಓ ನನ್ನ ಪ್ರಭುವೇ, ನಿನ್ನ ಸೇವಕರು ಮತ್ತು ಸೇವಕಿಯರನ್ನು ವ್ಯರ್ಥ ಭ್ರಮೆ ಮತ್ತು ತೋರಿಕೆಯ ಕಲ್ಪನೆಗಳಿಂದ ಕ್ಷೇಮವಾಗಿರಿಸು ಹಾಗೂ ಅವರಿಗೆ ನಿನ್ನ ಅನುಗ್ರಹದ ಕರಗಳಿಂದ ಮೃದುವಾಗಿ ಹರಿಯುವ ನಿನ್ನ ಜ್ಞಾನ ಬಲದ ಗುಟುಕನ್ನು ನೀಡು.

ನೀನು, ನಿಜವಾಗಿಯೂ, ಸರ್ವಶಕ್ತ, ಮಹೋನ್ನತ, ಸರ್ವ ಕ್ಷಮದಾತ, ಅತ್ಯಂತ ಉದಾರಿಯೂ ಆಗಿರುವೆ.