ಕನ್ನಡ: Bahá'í Prayers: Single Prayer : Android, iPhone, iPad, Windows, Mac

ಓ ಭಗವಂತನೇ, ನನ್ನ ಭಗವಂತನೇ, ನಿನ್ನ ವಿಶ್ವಾಸಾರ್ಹರಾದ ಸೇವಕರನ್ನು ರಕ್ಷಿಸು. ಅವರನ್ನು ಸ್ವಾರ್ಥ ಮತ್ತು ಮೋಹದ ಕೆಡುಕಿನಿಂದ ಕಾಪಾಡು. ನಿನ್ನ ಪ್ರೇಮಮಯವಾದ ದೃಷ್ಟಿಯಿಂದ ಅವರನ್ನು ಮತ್ಸರ, ದ್ವೇಷ ಮತ್ತು ಅಸೂಯೆಗಳಿಂದ ರಕ್ಷಿಸು. ನಿನ್ನ ಉದ್ದಿಶ್ಯದ ಅಭೇದ್ಯವಾದ ಕೋಟೆಯೊಳಗಿಟ್ಟು ಆಶ್ರಯ ನೀಡು. ಸಂಶಯವೆಂಬ ಆಯುಧದಿಂದ ಕ್ಷೇಮವಾಗಿರಿಸು. ಅವರನ್ನು ನಿನ್ನ ದಿವ್ಯ ಸಾಕ್ಷಾತ್ಕಾರದ ಮೂರ್ತಿ ಸ್ವರೂಪರನ್ನಾಗಿ ಮಾಡು. ನಿನ್ನ ದೈವಿಕ ಏಕತೆಯ ದೈನಿಕ ಚಿಲುಮೆಯಿಂದ ಹೊರಹೊಮ್ಮುವ ದೇದೀಪ್ಯಮಾನವಾದ ಕಿರಣಗಳ ಮೂಲಕ ಅವರ ಮುಖಾರವಿಂದಗಳನ್ನು ಶೋಭಿಸುವಂತೆ ಮಾಡು. ನಿನ್ನ ಪವಿತ್ರ ಸಾಮ್ರಾಜ್ಯದಿಂದ ಪ್ರಸನ್ನತೆಗೊಳ್ಳುವ ಶ್ಲೋಕಗಳಿಂದ ಅವರಿಗೆ ಹೃದಯಾನಂದವನ್ನು ಉಂಟುಮಾಡು. ನಿನ್ನ ಸರ್ವಶಕ್ತಿಯಿಂದ ಅವರ ಟೊಂಕವನ್ನು ಭದ್ರಪಡಿಸು, ನೀನೇ ಸರ್ವ ಪ್ರದಾತ, ರಕ್ಷಕ, ಸರ್ವಶಕ್ತ, ಅಷ್ಟೇ ಅಲ್ಲ ದಯಾಳು.