ಕನ್ನಡ: Bahá'í Prayers: Single Prayer : Android, iPhone, iPad, Windows, Mac

ಹೇಳು: ಓ ದೇವರೇ, ನನ್ನ ದೇವರೇ, ನನ್ನ ಶಿರಸ್ಸನ್ನು ನ್ಯಾಯದ ಕಿರೀಟದಿಂದ ಅಲಂಕರಿಸು. ಸರ್ವ ಸಮತೆಯ ಭೂಷಣದಿಂದ ನನ್ನ ಹೃದಯ ದೇಗುಲವನ್ನು ಸಿಂಗರಿಸು. ಸತ್ಯವಾಗಿಯೂ, ನೀನೇ ಎಲ್ಲ ಕಾಣಿಕೆಗಳ ಮತ್ತು ಔದಾರ್ಯಗಳ ಒಡೆಯನಾಗಿದ್ದೀಯೇ.

ಓ ಪರಮಾತ್ಮ, ನವಚೇತನವನ್ನುಂಟುಮಾಡು ನನ್ನ ಆತ್ಮವನ್ನು ಸಂತಸಗೊಳಿಸು, ಹೃದಯವನ್ನು ಪರಿಶುದ್ಧವಾಗಿಸು. ನನ್ನ ಅಂತಃಶಕ್ತಿಯನ್ನು ಉಜ್ವಲಿಸು. ನನ್ನ ಸಮಸ್ತ ವಿಚಾರಗಳನ್ನು ನಿನ್ನ ಕೈಯಲ್ಲಿರಿಸಿರುವೆ. ನೀನೇ ನನ್ನ ಮಾರ್ಗದರ್ಶಕ, ಆಶ್ರಯದಾತ, ಇನ್ನೆಂದಿಗೂ ನಾನು ದುಃಖಿಸುವುದಿಲ್ಲ. ಸಂಕಟಪಡುವುದಿಲ್ಲ ನಾನೊಬ್ಬ ಸುಖಿ ಹಾಗೂ ಆನಂದಮಯ ಜೀವಿ. ಓ ದೇವರೇ, ಇನ್ನು ನನಗೆ ಕಳವಳದ ಭಾರವಿಲ್ಲ. ಅದಾವ ತೊಂದರೆಯೂ ಪೀಡಿಸದು ಜೀವಿತದ ಯಾವ ಅಹಿತ ವಿಚಾರವನ್ನೂ ಯೋಚಿಸದಿರುವೆ.

ಕರುಣಾಶಾಲಿಯೇ, ನಾನು ನನಗೆಷ್ಟು ಸಖನಾಗಿರುವೆನೋ, ಅದಕ್ಕಿಂತಲೂ ಅತಿಶಯವಾಗಿ ನೀನು ನನಗೆ ಸಖನಾಗಿರುವೆ ಪ್ರಭುವೇ, ನಾನು ನಿನಗೆ ಅನನ್ಯ ಶರಣಾಗಿಬಿಟ್ಟಿದ್ದೇನೆ.