മലയാളം: Bahá'í Prayers: Single Prayer : Android, iPhone, iPad, Windows, Mac

വഴിപിഴച്ചു പോയിട്ടുള്ളവരെ നീതിയുള്ളവരും സډനസ്സുള്ളവരുമാക്കിത്തീര്‍ക്കാനും, എവിടെയാണ് അവര്‍ അശ്രദ്ധരായിട്ടുള്ളതെന്നുള്ളതിനെപ്പറ്റി അവരില്‍ അറിവുണ്ടാക്കിക്കൊടുക്കാനും കൃപാപൂര്‍വ്വം അവരെ സഹായിക്കാന്‍ ഞങ്ങള്‍ ദൈവത്തോടു പ്രാര്‍ത്ഥിക്കുന്നു. അവന്‍ സത്യത്തില്‍ സര്‍വ്വാനുഗ്രഹദായകനും, അത്യുദാരനുമാണ്. എന്‍റെ പ്രഭോ! അവിടുത്തെ കൃപയുടെ കവാടത്തില്‍ നിന്ന് അവിടുത്തെ സേവകരെ തടസ്സപ്പെടുത്തരുതേ. അവിടുത്തെ സന്നിധിയുടെ സദസ്സില്‍ നിന്ന് അവരെ തള്ളിക്കളയരുതേ. വൃഥാ ചിന്തകളുടെ ഇടയില്‍ നിന്ന് അകലെ മാറാനും വിഫലഭാവനകളുടേയും പ്രതീക്ഷകളുടേയും മറകളെ കീറിമാറ്റാനും അവരെ സഹായിക്കേണമേ. സത്യമായും, സര്‍വ്വാധികാരിയും അത്യുന്നതനുമാണങ്ങ്. സര്‍വ്വശക്തനും കരുണാവാരിധിയുമായ അവിടുന്നല്ലാതെ മറ്റൊരു ദൈവമില്ല.