Mankind

የማመልክህና የማወድስህ አምላክ ሆይ ! ስለአንድነትህና ስለ አንድዬነትህ እመሠክራለሁ፡፡ በፊት ለሰጠኽኝና አሁንም ለምትሰጠኝ ስጦታህ አመሰግንሃለሁ፡፡ አንተ የምህረቱ የሚያጥለቀልቁ ዶፎች በታላላቆቹም በታናናሾቹም ላይ ያለልዩነት የዘነቡት የፀጋውም ደመቅ ብርሃኖች በታዛዦችም በአመፀኞችም ላይ ያበሩት ፍጹም ቸር ጌታ ነህ፡፡

አቤቱ አንተ የምህረት ህልውና በእርሱ በር ደጃፍ ፊት የሰገደው፣ በእርሱም እምነት መንበር ዙሪያ፣ ፍቅራዊ ደግነት ከሁሉ በላቀ ውስጣዊ መንፈሱ የከበበው የምህረት አምላክ ሆይ፤ የሰው-ዘር ዓለም መገለጫዎች በሆኑት ሁሉ ላይ ምህረት እንዲኖርህ፣ በቀናትህም ከፀጋህ ህዝቦች እንዳትነፍጋቸው፣ ከጥንት ጀምሮ የነበረውን ፀጋህን እየተማለድን፣ የአሁንም ጊዜ ችሮታህን እየለመንን እንማፀንሃለን፡፡

ሁሉም ድሆችና ችግሮች ናቸው፤ አንተ ግን በእውነቱ ሁሉ ያለው ሁሉ አስገባሪው ፍጹም ኃያል የተመላው ነህ፡፡ ጌታ ሆይ! ማንም የተፈጠረ ህያው ከመልካም ፈቃድህ ክልሎች ውጪ እንዳይቀር፣ ሁሉንም የምድር ህዝች ወደ እምነትህ ገነት የመግባትን ፀጋ ለማግኘት አስችላቸው፡፡ አንተ ሊታወስ ከማይቻል ጊዜ ጀምሮ የሚያስደስትህን ለማድረግ ችሎታ ያለህ ከምትሻው ከማንኛውም ነገር በላይ ሆነህ ኖረሃል፡፡

አቤቱ አንተ ሩኅሩኅ አምላክ ሆይ! የሰውን ዘር ሁሉ ከአንድ ምንጭ ፈጠርኩ ሁሉም አንድ ቤተሰብ ይሆኑ ዘንድ አዘዝህ፡፡ በቅዱስ ቅርበትህ ሁሉ በመንበርክ ሥር ይጠለላሉ፤ ሁሉም በበረከትህ ማዕደ ዙሪያ ተሰብስበዋል፡፡ ሁሉም በአምላካዊ ጥበቃህ ብርሃን አንፀባርቀዋል፡፡

አምላክ ሆይ፣ አንተ ለሁሉም ደግ ነህ፤ ለሁሉም ህይወት ትሰጣለህ፣ ለእያንዳንዱም ተሰጥአንና ችሎታን ሰጥተዋል፣ ሁሉም በምሕረትህ ውቅያኖስ ውስጥ ሰጥመዋል፡፡ አቤቱ ቸር አምላክ ሆይ! ሁሉን አስተባብር፡፡ የሰው ልጆች አንድ ቤተሰብ እንዲሆኑና መላዋን ምድር እንደ አንድ መኖሪያቸው እንዲያደርጉአት፣ ሃይማኖቶች እንዲስማሙ አድርግ፣ ሀገሮችንም አንድ አድርጋቸው፡፡ ሁሉም በፍጹም አንድነትና ስምምነት እንዲኖሩ ፈቃድህ ይሁን፡፡

አምላክ ሆይ! የሰውን ዘር አንድነት ሰንደቅ ከፍ ብሎ እንዲታይ አድርገው፡፡ አምላክ ሆይ! ታላቁን ሰላም መስርት አምላኬ ሆይ! ልቦችን በጽኑ አስተባብር፡፡ አቤቱ ቸር አባት የሆንክ አምላክ ሆይ! በፍቅርህ መዓዛ ልቦቻችንን ደስ አሰኝልን፡፡ በመርሖህም ፋና አይኖቻችንን አብራልን በቃልህ ዜማ ጆሮዎቻችንን አስደስትልን በአምላካዊ ጥበቃ ከምሽግ ውስጥ ሁላችንን ጠልለን፡

አንተ ኃይልና ብርቱው ነህ አንተ ይቅር ባዩ ነህ፣ አንተ ሰውን ልጆች ጥፋት የማይከታተለው ነህና፡፡ አቤቱ አንተ ሩኅሩኅ ቸርና ሁሉን የምትችል ጌታ ሆይ! እኛ በአምላካዊ ጥበቃህ ሥር ተጠልለን የምንገኝ አገልጋዮችህ ነን፡፡ የፍቅር አንፃርህን አሳርፍብን፡፡ ለአይኖቻችን ብርሃንን፣ለጆሮቻችን መስማትን፣ ለልቦቻችን ማስተዋልንና ፍቅርን ስጥልን በምስራች ዜናህ ነፍሶቻችንን አስደስትልን፡፡ ጌታ ሆይ! የመንግስትህን መንገድ አሳየን፣ በመንፈስ ቅዱስህም እስትንፋስ በሁላችን ነፍስ ዝራብን፡፡ ዘለዓለማዊ ህይወትን ስጠን፤ የማይሻረውንም ክብር አጎናጽፈን፡፡ የሰውን ልጆች አንድ አድርጋቸው፣ የሰውንም ዘር ዓለም አብራ፡፡ መንገድህን እንድንከተል፣ ፈቃድህን እንድንናፍቅ፣ የመንግስትህንም ምስቲር እንድንሻ አድርገን፡፡ አምላክ ሆይ! አስተባብረን ልቦቻችንንም ከቶ ከማይፈርሰው ኅብረትህ ጋር አስተሳስርልን፡፡ በእውነቱ አንተ ሰጪው ነህ፣ አንተ ሩኅሩኁ ነህ፣ አንተ ፍጹም ኃያሉ ነህና፡፡

- Bahá'u'lláh