Sarawak: Bahá'í Prayers: Single Prayer : Android, iPhone, iPad, Windows, Mac

26 Bakani ku aku deka tinduk, O Petara, Petara aku, lebuh mata sida ti lelengauka Nuan mengkang dani ketegal sida beserara ari Nuan; lalu bakani aku ulih ngalika diri belelak lebuh semengat bala sulu Nuan nyau merampau laban ti jauh ari penatai Nuan?

Aku udah nyerahka, O Tuhan aku, roh aku enggau semua pengidup aku ngagai jari kanan penegap Nuan enggau jaga Nuan, lalu aku ngalika pala aku ba panggal aku nengah kuasa Nuan, lalu ngangkat ia nitihka peneka Nuan enggau penyamai pemanah Nuan. Nuan endang amat, ti Pengimpun, ti Pengintu, ti Pemadu Tegap, ti Pemadu Bekuasa.

Ngena penegap Nuan! Aku enda minta, sekalika tinduk tauka dani, tang semina utai ti dikingin Nuan. Aku tu pengasuh Nuan lalu dalam jari Nuan. Uji Nuan enggau pengasih mantu aku ngereja utai ti tau ngabaka rengut penyamai pemanah Nuan. Tu, amat bendar, pengandal aku enggau pengandal sida ti gaga besemak enggau Nuan. Puji meh Nuan, O Tuhan ke semua dunya!