Sarawak: Bahá'í Prayers: Single Prayer : Android, iPhone, iPad, Windows, Mac

O Petara! O Petara! Tu siku burung ti patah sayap lalu penerebai iya kelalu lubah—tulung iya awakka iya ulih terebai ngagai tuchung pemansang enggau penyelamat, terebaika iya enggau naka pengaga sereta pengelantang dalam langit ti luas , nyariska pelandai iya dalam Nama Nuan ti Pemadu Tinggi ba selampur menua, kelantangka pending enggau kangau tu lalu terangka mata merening tanda pengiring.

O Tuhan, aku siku aja, kediri sereta baruh. Aku nadai penyukung semina Nuan, nadai penulung kelimpah ari Nuan lalu nadai pengenan kelimpah ari Nuan. Tetapka aku dalam pengawa Nuan, tulung aku enggau raban malikat Nuan, asuh aku menang dalam pengawa ngerembaika Leka Jaku Nuan lalu guna aku bejakuka pengelandik Nuan ngagai bala nembiak Nuan. Amat bendar, Nuan endang penulung orang ti lemah enggau penyaga sida ti biak, lalu amat bendar, Nuan ti Bekuasa, ti Tegap, sereta ti Nadai Penekul.