Sarawak: Bahá'í Prayers: Single Prayer : Android, iPhone, iPad, Windows, Mac

Tempa dalam aku ati ti tuchi, O Petara aku, lalu kemaruka pengasai ti jenuh dalam ati aku, O Pengandal aku! Nengah kuasa roh entapka aku ulih Nuan dalam Pengawa Nuan, O Siku Pemadu Dikerindu aku, lalu ngena penampak mulia Nuan pandangka ngagai aku jalai Nuan, O Nuan Juluk pengingin aku! Nengah kuasa pengering Nuan ti enda dipeda angkatka aku ngagai serega pengudus Nuan, O Pun Penatai pengidup aku, lalu ngena puput ribut Nuan ti meruan belama asuh aku andal, O Nuan ti sigi Petara aku! Asuh lagu Nuan ti tan belama enseputka penyenang dalam ati aku, O Pangan aku, lalu asuh pengaya rampa-mua Nuan ti jeman ngelepaska aku ari semua kelimpah ari Nuan, O Tuan aku, lalu asuh berita revelasyen Ayu Nuan ti tulin mai pengaga ke aku, O Nuan ti pemadu pegari ari semua ti pegari lalu ti pemadu dipelalai ari semua ti dilalai!