Монгол хэл: Bahá'í Prayers: Single Prayer : Android, iPhone, iPad, Windows, Mac

Return to BahaiPrayers.net Facebook

Тэрээр Бурхан бөлгөө.

Дээдийн чуулганы хүрээлсэн тэрхүү Газарыг тойрон биширсэн та минь ээ! Цорын ганц үнэн Бурханы Босгоны өмнө талархал өргөн, гараа сунган залбираад, ийнхүү өчнө үү: Аяа, чин сэтгэлээсээ хайрлагч бүхний эрхэм дээд хүсэл эрмэлзэл Та минь ээ! Аяа, тэнүүчлэн төөрөх сүнс бүрт Удирдамж болсон Та минь ээ! Мөхөс дорой энэхүү шадар зарцдаа Та хязгааргүй адислалаасаа хүртээж, азгүй дорой энэхүү хүмүүнийг Өөрийн нэг нэгдмэлийн Босгонд ойртон дөхөхөд нь залан чиглүүлсэн билээ. Өөрийн хайр энэрлийн амьд рашааныг омголтсон уруулд минь хүргэж, ядарч зүдэрсэн сүнс сүлдийг минь Та тэнгэрлэг нигүүлслийнхээ сэвшээгээр сэргээсэн билээ. Дээдийн нигүүлсэнгүй ивээл хишгээсээ надад дүүрэн хувь заяаж, Таны ариун Босгонд хүрэх алдар гавъяаг хүртээсэнд Тандаа гүнээ талархнам. Оройн дээд ариун Хаант улсын тань өлзий буянаас хязгааргүй хувь хэмжээ тасалж өгөхийг Танаас наминчлан гуйнам, би. Өгөөмөр ач тусаа хайрлана уу. Нигүүлсэнгүй адис ивээлээ хүртээнэ үү.

- `Abdu'l-Bahá

Windows / Mac