Tuvalu: Bahá'í Prayers: Single Prayer : Android, iPhone, iPad, Windows, Mac

E mafai pefea ne au o manako o moe, O te Atua, toku Atua, i mata o latou kola e finafinau kia Koe e alaala faeloa ona ko te olotou mavae mai ia Koe; kae e mafai pefea au o takato ki lalo o malolo ako agaaga o Au fagasele e fitaa i te olotou mao mai mo Tou nofo-mai?

Ko oti au ne fai faka-patonu, O toku Aliki, ko toku agaaga mo toku fuaitino katoatoa ke i te lima taumatau o Tou mafi mo Tau puipuiiga, kae moe a toku ulu i te aluga o Tou maalosi, tu fua ki luga pe la loa o Tou finagalo mo Tou fiafiaaga. Koe, e tonu, ko te Tausi, ko te Leoleo,ko te Mafi-Katoatoa, ko te Tafasili i te Maalosi.

Mai i Tou mafi! E see sili au, me e ala io me e moe, na fua ko te mea te la e manako Koe ki ei. Au ko tau tavini kae e i Ou lima. Fesoasoani alofa mai kia ke mafai ne au fai a te mea te la ka salalau atu a te manogi o Tou fiafiaaga-lei. Tenei, e tonu, ko toku fakamoemoega mo te fakamoemoega o latou e fiafia i te pili atu kia Koe. Vikiiga e o Koe, te Aliki o lalolagi!