Tuvalu: Bahá'í Prayers: Single Prayer : Android, iPhone, iPad, Windows, Mac

A Koe e lavea mai au, O toku Aliki, mo oku mata e fuli ki te lagi o Tou mau-koloa mo te vasa o Au alofaaga, fakaseai mai i mea katoa na ko Koe. Au e akai kia Koe, i te matagofie o te Laa o Tau fakaaasiiga i luga i Sinai, mo te malifalifa o te Fuaitino tafasili ite mana o Tou alofa-kaimalkie te la e sulu maina mai i te sikulagi o Tou Igoa, ko te Fakamagalo-Katoatoa, ke tuku mai kia au a Tau fakaseai agasala kae ke isi se alofa-fakamagalo i luga ia au. Tusi ifo ki lalo mo au i Tau pene o te matagofie, a mea ko la ka faka-maluga i ei au i Tou Igoa mo te lalolagi o te foafoaaga. Feasoasoani mai au, O toku Aliki, ke fakatoka au ki mua ia Koe, kae ke fakavave atu ki te leo o Au fagasele, ko la a te maalosi o te lalolagi ko se kafi o fakavaaivai, a ko maalo o fenua ko seai se maalosi o taofi mai ia Koe, kae tela, e soloki atu kia mua kia Koe, e fai mai penei: A te Atua ko te tou Aliki, ko te Aliki o latou katoa i te lagi mo latou katoa i luga i te lalolagi!”