తెలుగు: Bahá'í Prayers: Single Prayer : Android, iPhone, iPad, Windows, Mac

Return to BahaiPrayers.net Facebook

వితరణాధిక్యమౌ విభుదుడ వీవు

పరిపూర్ణ యాదరణ పాలకుడ వీవు

ఉదయాన మనమున కూరట నీవు

నా కష్టనష్టాల నరయుదు వీవె

నీ నివాళి నిమిషం నిలిపిన మనసు

నినుగాక వేరొండు నేస్తమున్ గొనక

ఇష్టాన తనకుతా నిక్కట్లె గోరు

భవదీయ సంస్తుతి భజియింతు మదిని

ముదమున తనకునై ముప్పునే గోరు

నినుగని నిట్టూర్ప నిలువగలేని

హృదయము శుష్కించి ఆరిపో గాక

నినుగని విలపింపనొవ్వని కన్ను

అవిటిదగుటె మేలు అంతకు మున్ను

తీవ్రతాపమువేళ దీనుని గావు

అఖిలబలుడవంచు అర్ధింతు దేవ

ఆద్యంతరహితమై అలరించునట్టి

తేజస్సు నాయందు దేదీప్యమవగ

అర్హతానర్హతల యౌచితి వీడి

దయగల విభుడవు దయజూపు దేవ

పక్షము విఱిగిన పక్కి యెట్లేగు

కరుణించి క్రొత్తది గైజేయమయ్య

- `Abdu'l-Bahá