ગુજરાતી: Bahá'í Prayers: Single Prayer : Android, iPhone, iPad, Windows, Mac

હે માર નાથ, માર ઈશ્વર, તું મહાન છે! જોરથી ફૂકાતા પવનો જેવી તારી કરુણાને નામે અને તારા ઉદે્શના આદિસ્ત્રોત અને તારી પ્રેરણાના ઉષઃસ્થાનના નામે હું તને વિનંતી કરૂં છું કે તું મારા પર તથા તારા આૈદાર્ય અને સમુદ્ધ કરુણાને પ્રતિબિંબિત કરતા તારા મુખમંડળનું દર્શન કરવા આતુર હોય, તારા આશીર્વાદ અને અનુગ્રહને પાત્ર હોય તેવા સૌ કોઈ પર તારી કરૂણાની વૃષ્ટિ કર. હે મારા સ્વામી, હું ગરીબ અને ઉપેક્ષિત છું. મને તારી સંપદાના સાગરમાં ડૂબી લગાવવા દે. હું તરસ્યો છું તારી પ્રેમકૃપાની સરિતાનાં જીવનજળ પીવા દે.

હું તારૂં નામ ઉચ્ચારીને જેને તારા સ્વરૂપનો આવિર્ભાવ બનાવ્યો છે તેનું નામ ઉચ્ચારીને અને સ્વર્ગ તથા પૃથ્વી પર પ્રસરતી તારી વિવેકવાણીનો ઉચ્ચાર કરીને પ્રાર્થના કરૂં છું કે તારા બઘા સેવકોને તારી કરૂણાપૂર્ણ વિઘિલેખના વૃક્ષની છાયામાં એકત્ર કર. એમને એનાં ફળ ખાવા દે. એમના કાનને પાંદડાનો મર્મર ઘ્વનિ તથા તેની શાખાઓ પર દિવ્ય પક્ષીઓના સુમઘુર કલરવ સાંભળવા દે. તું ખરેખર, સંકટોમાં મદદગાર છે અગમ્ય, સર્વશકિતમાન અને પરમ ઔદાર્યપૂર્ણ છે.