ગુજરાતી: Bahá'í Prayers: Single Prayer : Android, iPhone, iPad, Windows, Mac

હે પ્રભુ, હું ગુણ ગાઉં છું! મારા હૃદયમાંથી વ્યર્થ તરંગો અને પોકળ કલ્પનાઓ ભુંસાઈ જાય તે માટે હું પુરેપુરા સ્નેહથી તારા તરફ વળું છું. હે જગત્પતિ! તારી ઈચ્છાને અનુરૂપ તારા કૃપાપુષ્પોનો પમરાટ તારા આદેશથી સમગ્ર સુષિ્ટમાં પ્રસરી ગયો છે અને તારી ઈચ્છાનો સૂર્ય તારાં સાર્વભૌમત્વ અને શકિત–સામર્થ્ય દ્ધારા તારી કૃપાના આકાશમાં ઝળહળે છે.

હે જગન્નાથ! હું તારો દાસ છું, તારા દાસનો પુત્ર છું. મારો હાથ તારી કરૂણાને સોપાઈ ગયો છે. હું તારી દયાના તંતુને પકડી બેઠો છું. તારી પાસે જે ઉત્તમ છે તે મને આપ. તારા ઔદાર્ય અને અનુગ્રહરૂપી સ્વર્ગના વાદળોમાંથી તેં વરસાવેલા અમૃત દ્વારા મારૂં પોષણ કર.

હે પ્રભુ, તું જ વિશ્વઘિપતિ છે, સ્વર્ગ અને પૃથ્વીના સકળ ભુતજગતનો સ્વામી છે.